චීනයේ කිංඩාවෝ සමාගමෙන් ආනයනය කරන ලද කාබනික පොහොර සාම්පලවල අර්වීනියා ඇතුළු අහිතකර බැක්ටීරියා වර්ග තිබෙන බවට පළවන වාර්තා එම සමාගම සහ කොළඹ චීන තානාපති කාර්යාලය ප්රතික්ෂේප කරයි.
අර්වීනියා සහ අහිතකර බැසිලස් අඩංගු බව කියමින් අදාල කාබනික පොහොර ප්රතික්ෂේප කිරීම කිංඩාවෝ සමාගමේ කීර්ති නාමයට විශාල හානියක් මෙන්ම එමගින් සමාගමට මූල්යමය පාඩුවක් ද සිදුව ඇති බව චීන තානාපති කාර්යාලය පවසයි.
විශේෂ මාධ්ය නිවේදනයක් නිකුත් කරමින් චීන තානාපති කාර්යාලය මේ බව පවසා තිබේ.
අදාල සමාගම, ඔවුන් නිෂ්පාදනය කරනු ලබන කාබනික පොහොර සදහා ජාත්යන්තරව පිළිගත් තත්ත්ව සහතික රැසක් හිමිකරගෙන සිටින සමාගමක් බවත්, යුරෝපීය රටවල් ඇතුළු රටවල් පනහකට ආසන්න ප්රමාණයකට තමන් නිෂ්පාදනය කරනු ලබන කාබනික පොහොර අපනයනය කරනු ලබන බවත් චීන තානාපති කාර්යාලය පවසයි.
එමෙන්ම කිංඩාවෝ සමාගමේ ශාකා එක්සත් ජනපදයේ සහ ඕස්ටේ්රලියාවේ ද පවතී.
ලංකාවට අවශ්ය කාබනික පොහොර සදහා විවිත ටෙන්ඩර් කැදවීමක් සිදු කළ අතර, එහිදී කිංඩාවෝ සමාගම ඒ සදහා තෝරාගනු ලැබී ය.
අදාල කාබනික පොහොර තොගය සෙල්සියස් අංශක 600 ක උෂ්ණත්වයකට ලක් කර සියළු ක්ෂුද්ර ජීවීන් විනාශ කර තිබෙන සමාගම වෙනුවෙන් පෙනී සිටින චීන තානාපති කාර්යාලය පවසයි.
කෙසේ වෙතත්, මෙරටට එවා තිබුණු කාබනික පොහොර සාම්පල පරීක්ෂා කළ වගකිව යුතු ආයතන විසින්, එම පොහොර සාම්පල වල අර්වීනියා ඇතුළු අහිතකර බැක්ටීරියා ඇති බව තහවුරු කර තිබේ.
චීන තානාපති කාර්යාලය පවසන්නේ එය සිද්ධ විය නොහැකි දෙයක් බවයි.
අර්වීනියා සදහා සාම්පල පරීක්ෂා කරන්නේ නම් ඒ සදහා දින හයක් ගතවන බව පවසන චීන තානාපති කාර්යාලය, ශ්රී ලංකාවේ ජාතික ශාක නිරෝධායන ආයතනය දින තුනක පරීක්ෂාවකින් පසුව අදාල සාම්පල තුළ අර්වේනියා පවතින බව පැවසීම පුදුමයක් බව ද පවසයි.
කින්ඩාවෝ සමාගමෙන් ඇනවුම් කරනලද පොහොර තොගය අවලංගු කිරීම චීනය සහ ශ්රී ලංකාව අතර පවතින මිත්රත්වය පළුදු වීමට හේතු විය හැකි බවත් එබැවින් මෙම ගැටළුව කඩිනමින් විසදා ගැනීමේ අවශ්යතාවයත් අවධාරණය කර තිබේ.
