ඔළුගෙඩි මාරුවක් වුවද, මේ සිදුවෙමින් පවතින්නේ ඔවුන් ආකාරයේ වංචාකාරී රාජපක්ෂ ආණ්ඩුවේම දිගුවක් බව විපක්ෂ නායක සජිත් ප්රේමදාස මහතා පැවසීය.
විදුබල මණ්ඩලයේ සභාපති කෝප් කමිටුවේදී කරන හෙළිදරව්ව අතිශයින් බරපතළ බව පැවසූ විපක්ෂ නායකතුමා අද ඔහු එය ප්රතික්ෂේප කරන්නේ කාගේ බලපෑමට දැයි කිව යුතු බවද පැවසීය.
ජනාධිපතිවරයා සභාපතිවරයාව කැඳවා ඉන්දියාවේ අගමැති මෝඩි බලකරන බව කියා මන්නාරම සුළං විදුලි බලාගාර ව්යාපෘතිය ටෙන්ඩර් කැඳවීමකින් තොරව ඉන්දියානු අදානි සමාගමට ලබා දීමට තීරණය කිරීම සම්බන්ධයෙන් විදුලි බල මණ්ඩලයේ සභාපති එම්.එම්.සී. ෆර්ඩිනැන්ඩු මහතා කෝප් කමිටුවේදී කරන ලද ප්රකාශය ඒ මොහොතේ පත්ව සිටි පීඩනය හේතුවෙන් තමන් කළ බවට ඔහු අද පවසන බව පැවසූ විපක්ෂ නායකතුමා
මෙලෙස වගකීම් විරහිත ප්රකාශ කෝප් කමිටුව අභියස කරන්නේ කෙසේදැයි ප්රශ්න කර සිටියේය.ඒ නිසා සභාපතිවරයා පැවසූ සත්ය වෙනුවට ඔහුම නැවත අසත්යය ප්රකාශ කරමින් කරන නාඩගම තුලින් රටේ මහජන නියෝජිතයින්ගේත්, ජනතාවගේත් වරප්රසාද කඩවූ බවද පැවසීය.
සුපුරුදු පරිදි අදත් සිදුවෙමින් පවතින්නේ ජනතාව පීඩනයෙන් පීඩනයට පත් කරමින් හොරා කෑම සහ ගසා කෑම බව විපක්ෂ නායකතුමා මේ අද සම්පූර්ණයෙන්ම රාජපක්ෂ ආණ්ඩුවේ ම දිගුවක් බව පැවසීය.
අද (12) සමගි ජන බලවේග ප්රධාන කාර්යාලයේදී සමාජ මාධ්ය ක්රියාකාරීන් පිරිසක් හමුවීමෙන් අනතුරුව විපක්ෂ නායකතුමා මේ බව පැවසීය.
