අපේක්ෂා රෝහල. ඇස් අස්සේ අපේක්ෂා තැවරිච්ච ලක්ෂ ගණනක් මිනිස්සු ජීවිතය වෙනුවෙන් බලාගෙන ඉන්න තැනක්. අපේක්ෂා රෝහල හිස් වෙනවා නම්, අපේක්ෂා රෝහල වහලා දාන්න වෙනවා නම්, අපේක්ෂා රෝහල තවදුරටත් මේ රටට අවශ්ය නැති වෙනවා නම්, ඒක තමයි අපේ හීනය වෙන්න ඕනේ. අපේක්ෂා රෝහලට පහසුකම් අවශ්ය නැති වෙනවා නම්, දැන් අපේක්ෂා රෝහලට අවශ්ය යන්ත්ර පාවිච්චි කරන්න වෙන්නේ නෑ කියන්න පුළුවන් නම්, ඒක තමයි අපේ හීනය. අපේක්ෂා රෝහල වටේ තියෙන පහසුකම් සලසන ආයතන හැම එකක්ම වහලා දාන්න පුළුවන් නම්, ඒක තමයි අපේ බලාපොරොත්තුව.Sri Lanka Latest News
පන්සලක, පල්ලියක, වෙනත් ස්ථානයක නතර වෙලා ප්රතිකාර සඳහා යන රෝගීන් දහස් ගණනක් ඉන්නවා. ඒගොල්ලෝ නැතිවෙලා, එහෙම අයට එන්න වෙන්නේ නැතිව, දැන් අපේ පන්සලේ නතර වෙන්න ලෙඩ්ඩු එන්නේ නැහැ, අපේ පල්ලියේ නතර වෙන ලෙඩ්ඩු එන්නේ නැහැ, අපේ ආයතනයට දැන් තවදුරටත් ලෙඩ්ඩු නැහැ, ඒ නිසා අපිට දැන් තවදුරටත් පහසුකම් අවශ්ය නැහැ කියලා කවුරු හරි කෙනෙක් අපිට කියනවා නම්, ඒක තමයි අපි බලාපොරොත්තු වෙන හොඳම ප්රවෘත්තිය. ඒත් අවාසනාවකට එහෙම ප්රවෘත්තියක් අහන්න අපිට තව සෑහෙන කාලෙකට බැරි වේවි. සමහර විට මේක ටිකක් ප්රවෘත්තියක් විදිහට වෙනස් වෙන, එහෙම නැත්නම් මේ තත්ත්වය වැඩිවෙන ලක්ෂණයක් තමයි අපිට දකින්න ලැබෙන්නේ.
ඇත්තටම අපි කන කෑම බීම එක්ක, අපේ ඇවතුම් පැවතුම් එක්ක, අපේ ජීවිතවල තියෙන රටාවත් එක්ක පිළිකා රෝගීන් බහුල වෙලා. රුසියාව පිළිකා සඳහා එන්නතක් හෝ බෙහෙතක් නිර්මාණය කළ බව අපිට අහන්න ලැබුණා. ඒ බෙහෙත තාම ලංකාවේ නැහැ. ඒ වගේම කොළඹ විශ්වවිද්යාලය පිළිකා සෛල විනාශ කළ හැකි යම්කිසි දෙයක් නිෂ්පාදනය කළ බව අපි දැක්කා. මේවායේ සත්ය අසත්යතාව හෝ ඒවායේ තියෙන ප්රයෝජනවත්භාවය පිළිබඳ අපි ප්රශ්න කරන්න හදනවා නෙමෙයි. නමුත් මේ වෙනකොටත් ලංකාවේ පිළිකා රෝගීන් විශාල ප්රමාණයක් වාර්තා වෙමින් තියෙනවා. මේ විදිහට පිළිකා රෝගීන් වාර්තා වෙන අතරතුරේ, ඒ රෝගීන් සඳහා අවශ්ය කරන ප්රතිකාර ලබාදෙන්නට පිළිකා රෝහල නිරන්තර වශයෙන්ම සැදීපැහැදී ඉන්නවා. අපි ඒකට කියන්නේ අපේක්ෂා රෝහල කියලා.
අපේක්ෂා රෝහල තුළ, අපේක්ෂා රෝහල් විහාරස්ථානය කියලා එකක් තියෙනවා ඔබ දැකලා ඇති. අපේක්ෂා රෝහල් විහාරස්ථානය මීට වසර ගණනකට පෙර පිහිටුවන ලද ආයතනයක්. මේ ආයතනයේ වැඩවාසය කරන භික්ෂුන් වහන්සේලා, අපේක්ෂා රෝහලේ ප්රතිකාර ලබන රෝගීන්ට සහ රෝගී සත්කාර කරන අයට උදව් උපකාර කරනවා. මේ රෝහල පිහිටුවලා තියෙන්නේ 1982දී කියලා තමයි අපිට දැනගන්න ලැබුණේ. අපේක්ෂා රෝහල් විහාරස්ථානය මේ ස්ථානයේ ස්ථාපනය කරලා මේ වෙනකොට වැඩකටයුතු කරමින් යන්නේ පූජ්ය හේනේගම ධම්මාධාර නායක ස්වාමීන්ද්රයන් වහන්සේ යටතේ. පූජ්ය ඇල්පිටියේ අතුලධම්ම හිමිත් එහි වැඩවාසය කරන භික්ෂුන් වහන්සේ නමක්.
මේ වෙනකොට ලංකාවේ සියලු දෙසින් පැමිණෙන රෝගීන් සඳහා කිසිම මුදලක් අය නොකර, නවාතැන් පහසුකම් ලබාදෙන්නට මේ විහාරස්ථානය කටයුතු කරනවා. ආහාර පාන, ඖෂධ, සනීපාරක්ෂක පහසුකම් විතරක් නෙමෙයි, යම් හෙයකින් හෝ කාට හරි කෙනෙකුට අවශ්ය වුණොත්, ඔහුගේ අවසන් ගමන යන්න මිනීපෙට්ටිය ලබාදෙන්නත් මේ විහාරස්ථානය කටයුතු කරනවා. ඒ විතරක් නෙමෙයි, රෝගීන් දුරබැහැර සිට පැමිණ ප්රතිකාර ලබලා, සමහර විට මියගියොත්, ඒ අයගේ මෘත ශරීරය නිවසට අරගෙන යන්න වැයවන විශාල මුදල දරාගන්න බැරි අය නම්, ඒ අයගේ අවසන් කටයුතු කරලා පාංශුකූලය දීලා ඒ දේවල් ටිකත් මේ විහාරස්ථානය මගින්ම සිද්ධ කරලා දෙනවා.
මේ විදිහට කියන්න ගියොත් නම් විශාල පහසුකම් ප්රමාණයක් විහාරස්ථානයෙන් ලැබෙනවා. නමුත් දැන් රෝගීන් ඉහළ යාමත් එක්ක, භාරකරුවන්ගේ නවාතැන් පහසුකම් ප්රශ්නයත් එක්ක, විහාරස්ථානයේ ඉඩකඩ මදිවෙමින් යනවා. ඒකට ප්රතිකර්මයක් විදිහට සුවමංසලට මායිම්ව පිහිටලා තියෙන පර්චස් 12ක් සහිත කඩ කාමර දෙකක් දැන් විකුණන්න සූදානමින් ඉන්නවලු. මේ ඉඩම මිලදී ගෙන, අත්යාවශ්යතාව පවතින අලුත් ගොඩනැගිල්ලක් නිර්මාණය කරන්න අවශ්ය නම්, පුළුවන්කම තියෙනවා. ඉතින් ඒ සඳහා අපේ හාමුදුරුවන්ට මුදල් නැහැ. උන්වහන්සේලා කරන්නේ රෝගී සත්කාරයක්, ප්රජා සත්කාරයක්, දන්න දවසේ ඉඳලා. ඉතින් ලෝකවාසී සියලු දෙනාගෙන්ම උන්වහන්සේලා ඉල්ලනවා වර්ග අඩි 3,270ක් තියෙන මේ බිම පුළුවන් නම් ලබාගන්න උදව් වෙන්න කියලා. වර්ග අඩියක් සඳහාවත් මුදලක් කෙනකුට වියදම් කරන්න පුළුවන් නම්. උන්වහන්සේලා කියන විදිහට වර්ග අඩියක මිල වෙන්නේ රුපියල් 15,750යි.
ඉතින් මේ තත්ත්වය අපි දන්නවා කිසිම කෙනකුට අවශ්ය නොවන, මේ රෝහලට යන්න සිදු නොවන තත්ත්වයක් නිර්මාණය වුණොත් හොඳයි. ඒ නිසා ඔබ උදව් උපකාර කළ යුත්තේ ඔබට යන්න වෙයි, ඔබේ පවුලේ කෙනකුට යන්න වෙයි, ඔබේ හිතවතෙකුට යන්න වෙයි කියලා නෙමෙයි. කවුරු හරි කෙනෙක් සුවපත් වෙයි, කවුරු හරි කෙනෙක්ගේ හිත නිවෙයි, කවුරු හරි කෙනෙක්ගේ ප්රශ්න, ගැටලු නිරාකරණය වෙයි. රෝහලේ ප්රතිකාර ලබන ගමන් ඒ අයට සමහර වෙලාවට, සමහර ප්රතිකාර අතරතුරේ ඉක්මනින් එන්න වෙනවා, පැයෙන් දෙකෙන් තුනෙන්. හදිසි අමාරු වුණොත් රෝහලට අරන් එන්න කියලා දැනුම් දෙන අවස්ථාවල් තියෙනවා. ඒ වගේම සමහර රෝගීන්ට දීර්ඝකාලීනව ප්රතිකාර ගන්න සිද්ධ වෙනවා. එතකොට ඒ අයත් එක්ක ඉන්න වැඩිහිටියන්ට, නෑදෑයින්ට, අවශ්ය පහසුකම් සපයන අයට, නවාතැන් ගන්න තැනක් නැහැ. ඒ සියල්ල විහාරස්ථානය විසින්ම වෙන් කරලා දීලා තියෙන්නේ. ඒ නිසා හැකි නම්, මේ හාමුදුරුවන්ට උදව් කරන්න, මේ රෝගී සත්කාර කටයුත්ත සාර්ථක කරගන්න, මේ හාමුදුරුවන්ට උදව් කරන්න. 0712 851 967 මේ විහාරස්ථානයේ අංකය. ඒ අංකයට කතා කරලා ඔබට තොරතුරු දැනගන්න පුළුවන්. එහෙම නැත්නම් 078 312 5028 අංකය ඇල්පිටියේ හාමුදුරුවෝ, උන්වහන්සේව ආමන්ත්රණය කරලා ලෝකේ කොහේ හිටියත් ඔබට පුළුවන් උදව් කරන්න පුළුවන් නම් උදව් කරන්න. අපි පුළුවන් විදිහට උදව් කරමු. අපිට පුළුවන් විදිහට ශක්තියක් දෙමු. අපිට පුළුවන් විදිහට අපේ මිනිස්සු වෙනුවෙන් අපි නැගිටිමු.
ජීවන පහන් තිළිණ
