මෙරට දළ දේශීය නිෂ්පාදනයට 50%ක් සහ රැකියා නියුක්තියට 52% කට වැඩි දායකත්වයක් ලබා දෙන ක්ෂුද්ර කුඩා හා මධ්ය පරිමාණ ව්යාපාරිකයන්ගේ සහ ව්යවසායන්ගේ අයිතිවාසිකම් වෙනුවෙන් වසර ගණනායක් පුරා පාර්ලිමේන්තුවේත් ඉන් පිටතත් හඬ නැගූ බවත් එහිදී පරාටේ නීතිය හරහා සිදුවන අසාධාරණයට එරෙහිව අවස්ථා ගණනාවකදී රජය දැනුවත් කළ බවත් එහිදී බැංකු පද්ධතිය ආරක්ෂා වන ආකාරයට පරාටේ නීතියට තාවකාලික විරාමයක් ලබා දෙන ලෙස රජයෙන් සිදු කරන ලද ඉල්ලීමට ප්රතිචාර ලෙස දෙසැම්බර් මස වන තුරු පරාටේ නීතිය තාවකාලිකව අත්හිටුවීමට රජය තීරණය කළත් රජය ගත් ඒ තීන්දුවට බැංකු පද්ධතිය ප්රතිචාර දක්වා නොමැති බවක් පෙනෙන්නට ඇති බවත් තවමත් ව්යාපාර වෙන්දේසි වන බවත් විපක්ෂ නායකවරයා පැවසීය.Sri Lanka Latest News
රජය පරාටේ නීතිය තාවකාලිකව අහෝසි කළ බව බැංකු පද්ධතිය දැනුවත් කලේද සහ බැංකු පද්ධතිය ආරක්ෂා කර ගැනීම සදහා පියවර ගත්තේද කියා ප්රශ්න කර සිටින බවත් රජය පරාටේ නීතිය අහෝසි කළත් අදටත් ක්ෂුද්ර කුඩා හා මධ්ය පරිමාණ ව්යාපාරිකයන්ගේ ව්යාපාර අදටත් වෙන්දේසි වන බවත් ඒ සම්බන්ධ දැන්වීම් පුවත්පත්හි පළ වන බවත් විපක්ෂ නායක සජිත් ප්රේමදාස මහතා අද විශේෂ ප්රකාශයක් කරමින් පැවසීය.
රජය යම් තින්දුවක් ගත්තෙ නම් එය ප්රායෝගිකව ක්රියාත්මක කිරීමේ බලය රජයට ඇති බවත් එසේ ක්රියාත්මක කරන්න බැරි නම් රජයේ කශේරුකාව ශක්තිමත් නැති බවත් එමනිසා වහාම මෙම තීන්දුව සම්බන්ධයෙන් නිසි රාජ්ය සහ පෞද්ගලික මූල්ය ආයතන දැනුවත් කර එය රටේ ප්රතිපත්තියක් බවට පත් කරන ලෙසත් විපක්ෂ නායකවරයා පැවසීය.
එසේම රජය එසේ කටයුතු නොකරන්නේ නම් මෙයත් හුදු දේශපාලන නාටකයක් ලෙස සැලකීමට සිදුවන බවත් එම නිසා මේ මැතිවරණ වසරේ මිනිසුන්ගේ ජීවිත සමග සෙල්ලම් නොකර මෙය බලාත්මක කරන ලෙසත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
