ශ්රී ලංකාවේ ණය ශ්රේණිගතකිරීම ඉහළ නොදැමීමට ගෝලීය ණය ශේණිගත කිරීමේ ප්රධාන ආයතනයක් වන ස්ටෑන්ඩර්ස් ඇන්ඩ් පුවර්ස් ආයතනය තීරණය කර තිබෙනවා. (Sri Lanka Latest News)
ඒ ශ්රී ලංකන් ගුවන් සමාගමේ ඩොලර් මිලියන 175ක බැඳුම්කරයක් ප්රතිව්යූහගත කිරීමට ශ්රී ලංකා රජය අපොහොසත් වීම හේතුවෙන්.
මෙරට ණය ප්රතිව්යුහගතකරණය සම්පූර්ණ වූ පසුව ජාත්යන්තර ශේණිගත කිරීම් ආයතන දෙකක් මගින් මෙරට ණය ශේණිගත කිරීම් ඉහළ දැමීමට පියවර ගෙන තිබුණා.
ඩොලර් බිලියන 12කට අධික සෛවරීත්ව බැඳුම්කර ප්රතිව්යූහගත කිරීමත් සමග ශ්රී ලංකාවේ ණය ශේණිගත කිරීම ඉහළ දැමීමට එලෙස කටයුතු කළේ ලොව ප්රමුඛ ණය ශ්රේණිගත කිරීමේ ආයතන දෙකක් වන මූඩීස් හා ෆිච් රේටිංස් යන ආයතනයි.
කෙසේ වෙතත් ස්ටෑන්ඩර්ස් ඇන්ඩ් පුවර්ස් ආයතනය පෙන්වා දෙන්නේ ශ්රී ලංකා රජය අදාළ ඩොලර් මිලියන 175ක බැඳුම්කරය සම්පූර්ණ කළ පසු දිගු කාලීන විදේශ මුදල් පැහැර හැරීම් ශ්රේණිගත කිරීම ඉහළ නැංවිය හැකි බවයි.
