ලංකාව නුදුරු අනාගතයේ දී විදේශීය වෙළද ගිවිසුම් කිහිපයක්ම අත්සන් තැබීම සදහා කටයුතු- කරමින් සිටින බව, අද වෙළදපොළට නිකුත්ව තිබෙන ඩේලි මිරර් පුවත්පත සිය මුල්පුවතෙන් වාර්තා කර සිටියි.Sri Lanka Latest News
පසුගිය දා, ශ්රී ලංකාව, තායිලන්තය සමග නිදහස් වෙළද ගිවිසුමකට අත්සන් තැබූ අතර, ඉදිරි මාස දෙක තුළ දී, ඉන්දියාව සමග මෙන්ම චීනය සමග ද තවත් වෙළද ගිවිසුම් දෙකකට අත්සන් තැබීමට ශ්රි ලංකා රජය සූදානමින් සිටින බව පුවත්පත වැඩි දුරටත් සදහන් කරයි.
ඉන්දියානු වෘත්තිකයන් සදහා මෙරට වෙළද පොළ විවෘත වනු ඇති බවට වූ අදහස හේතුවෙන්, ඉන්දියාව සමග අත්සන් තැබීමට නියමිත එට්කා ගිවිසුමට දැඩි විරෝධයක් එල්ල වී තිබුණි.
විශේෂයෙන්ම, රජයේ වෛද්ය නිළධාරීන්ගේ සංගමය ඇතුළු වෘත්තීයවේදීන්ගේ වෘත්තීය සමිති රැසක් එට්කා ගිවිසුම පිළිබද මාතෘකාව කරලියට පැමිණි මුල් අවස්ථාවේ සිටම සිය දැඩි විරෝධය ඊට දැක් වී ය.
කෙසේ වෙතත්, එට්කා ගිවිසුම අවසන් කිරීමට අදාල සාකච්ඡා මාර්තු 10 සහ 12 අතර කාලයේ දී දෙපාර්ශ්වය අතර සිදු කිරීමට නියමිත බවත්, අප්රේල් මාසයේ දී ගිවිසුම්ගතවීම අවසන් කිරීමටත් රජය සැලසුම් කර තිබෙන බව ඩේලි මිරර් පුවත්පත වැඩිදුරටත් පවසා සිටියි.
