සමගි ජන බලවේග ප්රධාන කාර්යාලයේ පැවැති මාධ්ය හමුවට සහභාගි වූ එස්.එම් මරික්කාර් මහතා මෙසේ පැවැසීය,Sri Lanka Latest News
‘‘ආණ්ඩුවේ සිටින මැති ඇමැතිවරුන්ගේ කාරුණික බව , සුහදශිලි බව දැන් පෙනෙන්න නැහැ. ඔවුන් දැන් මාධ්යවේදීන්ටත් තර්ජනය කරන්න පටන් ගෙන තිබෙනවා. කෙසේ නමුත් මෙවැනි තත්ත්වයකට වර්තමාන රජය පත්වී තිබෙන්නේ ඔවුන්ගේ නොහැකියාව නිසයි. ඒ වගේම ආණ්ඩුවේ වැරදි වහ ගැනීමට ක්රමයක් නොමැති නිසා ආණ්ඩුවේ මැති ඇමැතිවරු මෙවැනි තත්ත්වයකට පත්වී තිබෙනවා. ඒ වගේම ගොවී ජනතාව සමඟ සිටි ආණ්ඩුවේ පිරිසට අද ගොවි ජනතාව හිසරදයක් වී තිබෙන බව පෙනෙන්න තිබෙනවා. ගොවීන්ගේ වී වලට නිසි මිලක් ලබා දීමට නොහැකිව , මාෆියාකරුවන්ට යටවී කටයුතු කරන රජයක් බවට අද ජාතික ජනබලවේග රජය පත්වී තිබෙනවා.
කෙසේ නමුත් රටේ ජනතාව අද ආර්ථික වශයෙන් විශාල ප්රශ්න රැසකට ගොදුරු වෙලා තිබෙනවා. රටේ ජනතාව අත්යාවශ්ය ආහාර ද්රව්ය ලබා ගැනීමට නොහැකිව පීඩාවට පත් වෙලා , ඉන්ධන මිල වැඩි කිරිම නිසා පීඩාවට පත් වෙලා , විදුලි බිල වැඩි කිරිම නිසා පිඩාවට පත්වෙලා , දරුවන්ට අධ්යාපනය ලබා දීමට නොහැකිව පීඩාවට පත්ව සිටිනවා. ඒ වගේම ජනතාවට අනාගතය පිළිබඳව විශ්වාසයක් නැති තත්ත්වයක් අද රටතුළ නිර්මාණය වී තිබෙනවා. අද රටේ බහුතරයක් ජනතාවට වේල් තුන හරියාකාරව කන්න නොහැකි තත්ත්වයක් රට තුළ නිර්මාණය වෙලා තිබෙනවා. ආර්ථිකය කඩා වට්ටන්න ආණ්ඩුව කටයුතු කර තිබෙනවා.
ඒ වගේම රණසිංහ ප්රේමදාස ජනාධිපතිවරයාගේ කාලයේ රාජ්ය සේවකයන්ට ගෙවීමේ ක්රමයට නිවාස ලැබුණා. මහින්ද රාජපක්ෂ ජනාධිපතිවරයාගේ කාලයේ රාජ්ය සේවකයන්ට මෝටර් බයිසිකල් ලැබුණා. අනුර දිසානායක ජනාධිපතිවරයාගේ කාලයේ හාල් කිලෝ 20 ක් ගෙවීමේ ක්රමයට දෙන්න කටයුතු කරන බවට තොරතුරු වාර්තා වෙනවා. කෙසේ නමුත් රාජ්ය සේවකයන්ගේ පඩිපතට වුණ දෙයක් හොයා ගැනීමට බැහැ. ඒ වගේම වර්තමාන ආණ්ඩුව යටතේ මාසයක් තුළ දෙවතාවක් ඉන්ධන මිල වැඩි කරන්න ජාතික ජනබලවේග ආණ්ඩුව කටයුතු කළා. ඒ වගේම අනුර දිසානායක මහතා ඩෙංගු රෝගීන් පිළිබඳව විපක්ෂයේ සිටින විට විශාල හඩක් නගන්න කටයුතු කළා. නමුත් අදවනවිට ඩෙංගු රෝගීන් දවස දවස වැඩි වෙනවා. ඩෙංගු රෝගීන්ගේ වැඩි වීම කළමනාකරණය කර ගන්න ආණ්ඩුව හැකියාවක් ලැබිලා නැහැ.
ඒ වගේම කොටස් වෙළඳපොල හරහා පැමිණි ඩොලර් මිලියන 10 ක ආයෝජනයට හැර සෘජු විදේශ ආයෝජන හරහා කිසිදු ඩොලරයක් ලංකාවට ලැබිලා නැහැ. කිසිදු ව්යාපෘතියක් , රැකියාවක් , ප්රති අපනයනයක් සෘජු විදේශ ආයෝජන හරහා සිදුවෙලා නැහැ. ඒ වගේම ජනතාව පීඩාවට පත් කර බදු අයකළාට ණය ගෙවන්න වෙන්නේ රුපියල්වලින් නෙවෙයි ඩොලර් වලින්. ඒ වගේම විදේශ ආයෝජන ගෙනැවිත් ඩොලර් ලංකාවට ගෙන ඒමට දැනුමක් , කුසලතාවයක් , අද්දැකිමක් තිබිය යුතුයි.
ඒ වගේම ජනාධිපති අනුර දිසානායක මහතා නිතරම ජාත්යන්තර මුල්ය අරමුදල , ආසියානු සංවර්ධන බැංකුව හමුවෙනවා. ඒ හමුවෙන්නේ ණය ගන්නයි. කෙසේ නමුත් ආනයන අපනයන ආදායම අඩුවී ඩොලර් ආදායම හීන වීමත් සමඟ විශාල අර්බුදයකට ශ්රී ලංකාවට මුහුණ දෙන්න සිදුවෙනවා. ඒ වගේම 2028 ජාත්යන්තර මුල්ය අරමුදල සමඟ ඇති කරගෙන තිබෙන ගිවිසුම අවසන් වූ වහාම තවත් ගිවිසුමකට එළඹෙන්න රජයට සිදුවෙනවා. එසේ සිදුනොවුණොත් භාණ්ඩ මිල ඉහළ ගොස් බදු බර වැඩි වී දැඩි අපහසුතා රැසකට ජනතාවට මුහුණ දෙන්න සිදුවෙනවා.
ඒ වගේම ජාතික ව්යවසන සභාවට විපක්ෂ නායක සජිත් ප්රේමදාස මහතා සහ මම තවත් සමගි ජනබලවේගයේ මන්ත්රිවරයෙක් සහභාගි වුණා. එහිදි අපදා කළමනාකරණ පනත සම්බන්ධයෙන් සාකච්ඡා කළා. අපදාවකින් පසු සහන සැලසිම සහ අපදාවක් පැමිණිමට පෙර සුදානම් වන ආකාරය පිළිබඳව සාකච්ඡා කළා. එහිදී රජය නියෝජනය කරමින් පැමිණි ඇමැතිවරු කිසිවක් කතා කළේ නැහැ. නමුත් සමගි ජනබලවේගයේ අපි විෂයානුබද්ධව කරුණු පැහැදිලි කරලා දුන්නා. කෙසේ නමුත් ඕනම තැනකදී ගමේ නගරයේ ජනතාවගේ ප්රශ්න සම්බන්ධයෙන් සාකච්ඡා කරන්න මම ඉදිරිපත් වුණා. අපිට මහජනතාව ඡන්දය දුන්නේ කට වහගෙන ඉන්න නෙවෙයි. මහජනතාවගේ අයිතිවාසිකම් වෙනුවෙන් , ලැබිය යුතු දේවල් ලබා ගැනීමට කතා කිරීමයි ජනතාව ඡන්දය ලබා දුන්නේ.
ඒ වගේම ආණ්ඩුව විපක්ෂයේ සහාය ගන්න සුදානම් නැහැ. සියල්ල දන්න පිරිසක් තමයි ආණ්ඩුවේ ඉන්නේ. එවැනිම පිරිසක් ගෝඨාභය රාජපක්ෂ හිටපු ජනාධිපතිවරයා සමඟත් සිටියා. නමුත් අවසානයේ ඔවුන්ට සිදුවුණ දේවල් පිළිබඳව හිතා ගන්නවත් බැහැ. අපිට දේශපාලනයට වඩා රට වටිනවා. රටට හොදක් වෙනවානම් ලබාදිය හැකි උපරිම සහාය ලබා දෙන්න අපි සූදානම්. රට කඩා වට්ටලා ඒ මතින් දේශපාලනය කළ යුතු නැහැ. ඒ වගේම රට අකර්මන්ය වුණ අවස්ථාවල රට ගොඩගැනීමට ශක්තියක් ලබා දෙන්න නොහැකිම් දේශපාලනයේ සිටිය යුතු නැහැ.
ඒ වගේම ආණ්ඩුව සමගි ජනබලවේගයේ සමාජිකයන්ට විවිධ චෝදනා එල්ල කරනු ලබනවා. කෙසේ නමුත් ජනතා විමුක්ති පෙරමුණේ අත්හිටවු සිරදඩුවම් දුන්න දෙන්නෙක් ඉන්නවා. අනුන්ගේ දේපොළ බලයෙන් ලියා ගත්ත නියෝජ්ය ඇමැතිවරු සිටිනවා. පාර්ලිමේන්තුව ගිනි තියන්න ගියපු පිරිස් අද ඇමැතිවරු වෙලා සිටිනවා. මුලින්ම මේ පිරිසට හරියාකාරව නීතිය ක්රියාත්මක කළ යුතුයි. මොවුන්ට ජනතා විමුක්ති පෙරමුණෙන් හෝ ජාතික ජනබලවේගයෙන් කිසිදු පරික්ෂණයක් නැහැ. ඒ වගේම පොහොර සංස්ථාවේ මුදල් වංචාවක් සම්බන්ධයෙන් චෝදනා එල්ල වුණ කුමාර ජයකොඩිට ඇමැතිධුරයක් දෙන්නත් වර්තමාන ආණ්ඩුව කටයුතු කර තිබුණා. මෙවැනි බරපතල චෝදනා සමගි ජනබලවේගයේ මන්ත්රීවරුන්ට එල්ල වෙලා නැහැ.‘‘
