අගමැතිවරයා විසින් අද දින 21 වන ව්යවස්ථාව සම්බන්ධයෙන් සාකච්ජා කිරීම සදහා කැදවූ සර්වපාක්ෂික හමුවේදී ආණ්ඩු පාර්ශ්වය වෙනුවෙන් යෝජනා ඉදැරිපත් කිරීමත් සමග උණුසුම් තත්ත්වයක් මතුව ඇති බව දැනගන්නට ඇත.
මෙහිදී පොහොට්ටුව නියෝජනය කරමින් සහභාගී වූ දිනේෂ් ගුණවර්ධන සහ ජී.එල්. පීරිස් යන අමාක්යවරුන් සදහන් කොට ඇත්තේ ජනාධිපතිවරයාට අවශ්ය මොහොතක අගමැතිවරයා ඉවත් කිරීමේ බලතල සහ අවශ්ය අවස්ථාවක අමාත්යංශ පවරා ගැනීමේ බලතල ඊට ඇතුළත් විය යුතු බවකි.
නමුත් අගමැතිවරයා ඊට එකගතාව පළ කොට නොමැත.
අගමැතිවරයා සදහන් කොට ඇත්තේ එසේ නම් ඊට පාර්ලිමේන්තුවේ අනුමැතිය ලබා ගත යුතු බවකි.
කෙසේවෙතත් මෙම සංවාදයෙන් පසු දිනේෂ් ගුණවර්ධන මහතාත්, ජී.එල් පීරිස් මහතාත් සාකච්ජා මේසයෙන් නැගිට ගොස් ඇති බව දැනගන්නට ඇත.
කෙසේවෙතත් අප අද පෙරවරුවේ මෙම පුවත වාර්තා කරමින් අප පෙන්වා දුන්නේ 21 වන ව්යවස්ථා සංශෝධනයට තවත් වගන්ති කිහිපයක් එක් කිරීමට ජනාධිපතිවරයා බලාපොරොත්තුවෙන් සිටින බවකි.
එම වගන්ති ලෙස අවශ්ය මොහොතක අගමැතිවරයා ඉවත් කිරීමේ බලයත්, අවශ්ය අමාත්යංශයක් අවශ්ය අවස්ථාවක පවරා ගැනීමේ බලයත් ඇතුළත් කිරීමට ජනාධිපතිවරයා සැලසුම් කොට ඇති බව අප සදහන් කර සිටියෙමු.
ඒ අනුව මෙම යෝජනා ඉදිරි කැබිනට් මණ්ඩලයේදී 21 වන සංශෝධනයට ඉදිරිපත් කිරීමට ජනාධිපතිවරයා බලාපෛාරොත්තුවෙන් සිටින අතර යම් හෙයකින් ඒවා පිළිගැනීමට අගමැතිවරයා ඇතුලු එජාප නියෝජිතයන් කටයුතු නොකරන්නේ නම් ඊට කැබිනට් අනුමැතිය හිමි නොවනු ඇති බව ආණ්ඩුවට සමීප ආරංචි මාර්ග සදහන් කරයි.
