පිටකොටුව ඕල්කට් මාවතේ ඉතා අපිරිසිදු ආාකාරයෙන් පවත්වාගෙන ආපන ශාලා 05ක් වසා දමන්නට අධිකරණය නියෝග කර තිබේ. (Sri Lanka Latest News)
කොළඹ මහනගර සභාවේ මහජන සෞඛ්ය පරීක්ෂකවරුන් පසුගිය 17 සහ 18 දිනවල සිදුකළ එම ආපන ශාලා පරීක්ෂාවේදී ඒවා අපිරිසුදු තත්ත්වයෙන් පවත්වාගෙන යන බව තහවුරු වීමෙන් පසුව එලෙස නඩු පවරා තිබිණි.
මහජන සෞඛ්ය පරීක්ෂකවරුන් මීට පෙර ද මෙම ආපන ශාලා පරීක්ෂා කර ඇති අතර, එහිදී අපිරිසුදු ලෙස පැවති මෙම ආපන ශාලා පිරිසුදු ලෙස පවත්වාගෙන යාමට අවශ්ය උපදෙස් ලබාදී තිබුණද, එම උපදෙස් අනුගමනය කර නොමැති බවටයි මහජන සෞඛ්ය පරීක්ෂකවරු අධිකරණයට කරුණු දක්වා තිබුණේ.
මෙසේ වසා දැමූ ආපන ශාලා ලබන මස 16 වැනි දිනට පෙර ඉතා පිරිසුදු තත්ත්වයෙන් සකසා, අඩුපාඩු සම්පූර්ණ කර, මහජන සෞඛ්ය පරීක්ෂකවරුන් හරහා අධිකරණයට වාර්තා කරන ලෙස මෙහිදී මහේස්ත්රාත්වරිය ඒවායේ හිමිකරුවන්ට නියෝග කර ඇත.
