රුපියල් මිලියන 100ට වඩා වැඩි මුදලක් ගෙවීමට ඇති මාර්ග ඉදිකිරීම් කොන්ත්‍රාත්කරුවන් හට එම හිග මුදල් වෙනුවට භාණ්ඩාගාර බැදුම්කර නිකුත් කිරීමට ආණ්ඩුව තීන්දු කොට ඇත.
මේ සම්බන්ධයෙන් මාර්ග සංවර්ධන අධිකාරියේ ව්‍යාපෘති අධ්‍යක්ෂවරයා විසින් සියලුම කොන්ත්‍රාත්කරුවන් දැනුවත් කරමින් ලිපි යොමු කිරීමට පියවර ගෙන තිබේ.
මේ සම්බන්ධයෙන් මහබැංකුවද සිය එකගතාව පළ කොට ඇති බව එම ලිපිය මගින් පෙන්වා දී ඇත.
කෙසේවෙතත් ආර්ථික විශ්ලේෂකයන් පෙන්වා දෙන්නේ දැඩි ආර්ථික අර්බූදයක ගිලී සිටින ලෙබනනයේත් මේ හා සමානම තත්ත්වයක් පසුගිය කාලයේ මතුවූ බවකි.
ලෙබනන රජයද මූල්‍ය අර්බූදය මතුවීමත් සමග කොන්ත්‍රාත්කරුවන්ට මේ අයුරින් මුදල් නොගෙවා ඊට හිළව් වශයෙන් ඔවුන්ට බැදුම්කර නිකුත් කිරීමට පියවර ගෙන තිබිණ.
එමෙන්ම ආර්ථික විශ්ලේෂකයන් පෙන්වා දෙන්නේ ඉදිරියේදී මෙම තත්ත්වය මූල්‍ය ආයතනවල ඇති මුදල් තැන්පතුවලට පවා ගැලපීමේ ඉඩකඩක් ඇති බවකි.
එනම් තැන්පතුවලට සමාන බැදුම්කර එම තැන්පතුකරුවන්ට නිකුත් කිරීමට ආණ්ඩුවට හැකියාවක් පවතින බවකි.
