ඉන්දියාවේ පවතින දැඩි තරුණ විරැකියාව, උද්ධමනය සහ සාම්ප්රදායික දේශපාලන ක්රමවේදය කෙරෙහි එරට වත්මන් Gen Z පරපුරේ තරුණ තරුණියන් තුළ පවතින දැඩි කලකිරීම සහ විරෝධය ලෝකයම මවිත කරවන අන්දමේ අතිශය අමුතුම මුහුණුවරකින් කරළියට පැමිණ තිබේ. ‘කැරපොතු ජනතා පක්ෂය’ හෙවත් Cockroach Janta Party – CJP ලෙස හඳුන්වන මෙම ව්යාපාරය, හුදෙක් අන්තර්ජාල උපහාසාත්මක කණ්ඩායමක් ලෙස ආරම්භ වී ඉතා කෙටි දින කිහිපයක් ඇතුළත ඉන්දීය දේශපාලන බලධාරීන් පවා දැඩි සේ කලබලයට පත් කළ හැකි මට්ටමේ බලගතු සමාජ ව්යාපාරයක් බවට පරිවර්තනය වී ඇත.Sri Lanka Latest News
මෙම අසිරිමත් සමාජ මාධ්ය විප්ලවය ඉකුත් මැයි 16 වැනිදා බොස්ටන් විශ්වවිද්යාලයේ උපාධි අපේක්ෂකයකු සහ දේශපාලන සන්නිවේදන උපායමාර්ගිකයකු වන 30 හැවිරිදි අභිජිත් දිප්කේ විසින් ආරම්භ කර තිබේ. ඉන්දීය අගවිනිසුරු සූරිය කාන්ත් විසින් අධිකරණ විභාගයකදී විරැකියාවෙන් පෙළෙන තරුණයන් ‘කැරපොත්තන්’ සහ ‘සමාජයේ පරපෝෂිතයන්’ ලෙස හඳුන්වමින් සිදුකළ ආන්දෝලනාත්මක ප්රකාශයකට ඍජු ප්රතිචාරයක් ලෙස මෙය නිර්මාණය විය. පසුව අගවිනිසුරුවරයා එම ප්රකාශය ව්යාජ උපාධි සහතික මගින් රැකියා ලබාගන්නන් වෙනුවෙන් පැවැසූවක් බව පවසා නිදහසට කරුණු ඉදිරිපත් කළද, ඉන්දීය තරුණයන් එම අපහාසය තමන්ගේ ශක්තියක් බවට පත්කරගනිමින්, කිසිසේත්ම විනාශ කළ නොහැකි ‘කැරපොත්තාගේ’ ප්රතිරූපය තමන්ගේ සටන්කාමී සංකේතය බවට පත්කරගෙන ඇත.
වත්මන් පාලක භාරතීය ජනතා පක්ෂයේ කෙටි නාමය උපහාසයට ලක්කරමින් නිර්මාණය කළ CJP ව්යාපාරයේ ඉන්ස්ටග්රෑම් පිටුව සතියක් ඇතුළත මිලියන 22කට අධික අනුගාමිකයන් පිරිසක් ආකර්ෂණය කරගැනීමට සමත් වී ඇත්තේ ඉන්දියාවේ ප්රධානතම පක්ෂ වන භාරතීය ජනතා පක්ෂය සහ කොංග්රස් පක්ෂවල නිල ගිණුම් ද පසුකර යමිනි. සූට් සහ ටයි පැලඳ සිටින කෘත්රිම බුද්ධිය මගින් නිර්මාණය කළ කැරපොතු රූප මෙහි ප්රධාන සංකේතය වන අතර, MainBhiCockroach (‘මමත් කැරපොත්තෙක්’) යන හැෂ්ටැගය මේ වනවිට අන්තර්ජාලය පුරා ලැව්ගින්නක් මෙන් පැතිර යයි.
හුදෙක් ඩිජිටල් උපහාසයක් ලෙස පැවැති මෙම ව්යාපාරය මේ වනවිට සැබෑ ලෝකයේ විරෝධතා සහ දිල්ලි නුවර අපවිත්ර යමුනා ගඟ පිරිසිදු කිරීමේ ව්යාපෘති සඳහා කැරපොතු ඇඳුම් ඇඳගත් තරුණ ස්වේච්ඡා සේවකයන් සහභාගි කරවන මට්ටමට වර්ධනය වී තිබේ. රජයේ විභාග ප්රශ්න පත්ර කාන්දුවීමට එරෙහිව අධ්යාපන අමාත්ය ධර්මේන්ද්ර ප්රධාන්ගේ ඉල්ලා අස්වීම ඉල්ලමින් පුද්ගලයන් ලක්ෂ 6කට අධික පිරිසකගේ අත්සන් සහිත පෙත්සමක්ද ඔවුන් ඉදිරිපත් කර ඇත. මෙම දැවැන්ත වර්ධනය හමුවේ කලබලයට පත් ඉන්දීය රජය නීතිමය උපක්රම යොදාගනිමින් CJP නිල වෙබ් අඩවිය සහ ට්විටර් ගිණුම් ඉන්දියාව තුළ තහනම් කිරීමට පියවර ගත්තද, ‘ඔබ සිතුවේ අපව ඉවත් කළ හැකි කියාද? කැරපොත්තා නැවත පැමිණ ඇත’ යන සටන් පාඨය පෙරදැරි කරගනිමින් ඔවුන් නව ගිණුම් හරහා රජයට එරෙහිව සිය සටන අඛණ්ඩව ඉදිරියටම පවත්වාගෙන යයි.
TTV News.lk
