විදුලි අර්බුදය මඟහරවා ගැනීම සඳහා තම අතිරේක ජෙනරේටර් භාවිත කරන ලෙස ලංකා විදුලිබල මණ්ඩලය කොළඹ නගරයේ සිටින මහාපරිමාණ සැපයුම් පාරිභෝගිකයින්ගෙන් ඉල්ලීමක් කොට ඇත.
ඒ අනුව එසේ පෙරවරු 5.30 සිට රාත්රී 10.30 දක්වා කාලය තුළ ජනනය කරන විදුලිය සඳහා ඒකකයකට රුපියල් 36ක් ගෙවීමට විදුලිබල මණ්ඩලය ඉදිරිපත් වී ඇත.
එය දැනට ස්වාධීන බල සැපයුම්කරුවන්ගෙන් මිල දී ගත් ඒකකයකට වඩා වැඩි මුදලකි.
උත්පාදනය කරන විදුලිය ලංවිම විසින් මිල දී ගෙන පාරිභෝගිකයන්ට අදාළ මිලට නැවත අලෙවි කරනු ඇත.
ජනනය වන ඒකක තීරණය කිරීම සඳහා විදුලිබල මණ්ඩලය මීටර් සවි කරනු ඇත.
මෙම ක්රියාවලිය හරහා විදුලිබල මණ්ඩලයට මෙගාවොට් 100ක පමණ විදුලිය ඉතිරි කර ගැනීමට අපේක්ෂා කෙරේ.
විදුලිබල උත්පාදනයට අවශ්ය ඉන්ධන හිඟය සහ ජල විදුලි උත්පාදනය පහත වැටී විදුලිය හිඟවීම හේතුවෙන් මෙම පියවර ගෙන ඇත.
