විදේශගත වීමට උත්සාහ කරද්දී පසුගිය (24) වැනිදා රාත්රී කටුනායක ගුවන් තොටුපලේදී අත්අඩංගුවට ගැනුණු පාතාල සාමාජිකයා පසුගිය දෙසැම්බර් මස 18 වැනිදා හංවැල්ල හරස්පාර මුස්ලිම් පල්ලිය අසල ආපන ශාලාවකදී පුද්ගලයකු ඝාතනය කිරීම ඇතුළු ඝාතන රැසකට සම්බන්ධ අපරාධකරුවකු බව පොලිසිය පවසයි.
මෙම ඝාතනයේ ප්රධාන ඝාතකයා ලෙස හඳුන්වා දී පොලිස් වෙඩි පහරින් පුද්ගලයෙක් ඝාතනය වූ අතර, පසුව පොලිසියම පැවසුවේ එම ඝාතනයට ලක්වූ පුද්ගලයා යතුරුපැදිකරු බවත්, ඝාතකයා සැඟවී සිටින බවත්ය.
පොද්දල බෝපේ ප්රදේශයේ පදිංචිකරුවකු වන ඔහු ‘බූරු මූනා’ ලෙසින් හඳුන්වන අතර, ප්රබල මත් ජාවාරම්කරුවකු වන හරක් කටාගේ සමීපතමයෙකි.
ඔහු පොලිසියේ සහයෙන් ඊයේ (25) රාත්රියේදීම අත්අඩංගුවෙන් මිදී පලායාම සම්බන්ධයෙන් මේ වනවිට පුළුල් විමර්ශනයක් ආරම්භ වී තිබේ.
මෙම පුද්ගලයා සම්බන්ධයෙන් පොලිස් විමර්ශන ක්රියාත්මක වන බව සැලවීමෙන් පසු ඔහුගේ ප්රධානියා ලෙස සැලකෙන හරක් කටා දැනට පදිංචිව සිටින ඩුබායි රාජ්යය වෙත මොහු ගෙන්වා ගැනීමට කටයුතු කර ඇති අතර, ඒ වන විටත් බස්නාහිර දකුණු දිසා අපරාධ කොට්ඨාසය ඔහුට එරෙහිව විදේශ ගමන් තහනමක් පනවා ඇත.
ඒ අනුව ඊයේ විදේශගත වීමට උත්සාහ කරද්දී ආගමන විගමන නිලධාරීන් විසින් අත්අඩංගුවට ගෙන කටුනායක ගුවන් තොටුපළ පොලිසියට භාර දී ඇත. මේ භාරදීමෙන් පසු යම් නාට්යමය ජවනිකාවක් සිදුවී තිබේ.
ඔහු සිය මිනීමැරම් සහ අපරාධ ඉතිහාසය පොලිසියට පවසා ඇති බව වාර්තා වේ. මේ අතර ඔහුව බේරාගැනීමට ශ්රමණ වෙස් ගස් දෙදෙනෙක් පැමිණ ඇතැයි කියැවේ. මේ ශ්රමණ වේශධාරීන් පැමිණි පසු සිර කුටියේ සිටි බූරු මුණා පොලිසිය විසින් එළියට අරගෙන ඇති බවත්, ඉන් පසුව ඔහු රාත්රී 10ට පමණ පලාගොස් ඇති බවත් පොලිිසිය කියා තිබිණි. කෙසේ වෙතත් මේ පලායෑම පොලිස් නිලධාරීන්ගේ මැදිහත් වීමෙන් සිදුවූ බවට සැකයක් ඇති වී තිබේ.
මෙම පැනයාමට ආධාර අනුබල දීම සම්බන්ධයෙන් සැකපිට මේ වනවිට කටුනායක ගුවන් තොටුපළ පොලිසියේ ස්ථානාධිපතිවරයා, සැරයන්වරයකු සහ තවත් පොලිස් කොස්තාපල්වරුන් දෙදෙනකු ද අත්ඩඅඩංගුවට ගෙන ඇති අතර පොලිය පුළුල් විමර්ශනයක් ආරම්භ කර තිබේ.
lankasara
