කොළඹ එස් එස් සි ක්රීඩාංගනයට නිල ඇඳුමින් සැරසී පැමිණ එහි ආරක්ෂක නිලධාරීන් දෙදෙනෙකුට පහරදීමේ සිද්ධියක් සම්බන්ධයෙන් යුද හමුදා බ්රිගේඩියර්වරයා අත්අඩංගුවට ගත් බව බව කුරුඳුවත්ත පොලිසිය කියයි.Sri Lanka Latest News
සැකකාර බ්ර්ගේඩියර්වරයා නීතිඥවරය මාර්ගයෙන් බාර වීමෙන් අනතුරුව පොලිසිය මගින් අත්අඩංගුවට ගෙන ඇත.
කොළඹ ඩි එස් සේනානායක සහ මහනාම විදුහල අතර පැවැත්වෙන එක් දින ක්රිකට් තරඟයකට පෙර සූදානමක් ඉකුත් 18 වෙනි දින එස් එස් සි ක්රීඩාංගනයේ පවත්වා ඇති අතර මහානාම විදුහලේ ආදි ශිෂ්යයකු වන සැකකාර බිගේඩියර්වරයා ඊට පෙර දින (17) දින රාත්රියේදී එම ක්රීඩාංගනය වෙත භාණ්ඩ වගයක් රැගෙන පැමිණ ඇතැයි පොලිස් විමර්ශනවලදී අනාවරණය විය.
එම භාණ්ඩ රැගත් වාහනය ක්රීඩාංගණයට ඇතුළු කර උඩුමහලකට එකී භාණ්ඩ රැගෙන යාම සඳහා විදුලි සෝපානය ක්රියාත්මක කරන ලෙස එහි සිටි පෞද්ගලික ආරක්ෂක සමාගමක ආරක්ෂක නිලධාරියාට බිගේඩියර්වරයා පවසා ඇති අතර එහි යතුරු නොමැති බවට ආරක්ෂක නිලධාරියා පැවසීමෙන් අනතුරුව උරණ වූ බ්රිගේඩියර්වරයා ආරක්ෂක නිලධාරියාට බැණ වැදි ඔහුගේ කණට සහ මුහුණ ප්රදේශයට පහරදී ආවේගශීලීව හැසිරී ඇති බව පොලිසිය කියයි.
එම අවස්ථාවේදී එම පහර දීමෙන් සහෝදර ආරක්ෂක නිලධාරියාව බේරා ගැනීමට තවත් ආරක්ෂක නිලධාරීයෙකු එම ස්ථානයට පැමිණ ඇති අතර ඔහුටද පෙර ආකාරයෙන්ම සැකකාර බ්රිගේඩියර් වරයා පහර දුන් බව එම ආරක්ෂක නිලධාරීන් දෙදෙනා පොලිසියට පැමිණිලි කර තිබිණි.
පහර කෑ ආරක්ෂක නිලධාරීන් දෙදෙනා මොරටුව සහ ගාල්ල ප්රදේශයේ පදිංචිකරුවන් වන අතර ඔවුන් කොළඹ ජාතික රෝහල වෙත ප්රතිකාර සඳහා ඇතුළත් කෙරිණි.
පහර දුන් බව කියන සැකකාර යුද හමුදා බ්රිගේඩියර්වරයා බත්තරමුල්ල ප්රදේශයේ අනුකන්ඩයක ප්රධානියකු බව පැවසේ.
අත්අඩංගුවට ගත් සැකකාර බ්බ්රිගේඩියර් පොලිස් ඇප මත මුදා හැර ඇති අතර නඩුව සමථ මණ්ඩලයට යොමු කළ බව උසස් පොලිස් නිලධාරියෙක් පැවසීය.
කුරුඳු වත්ත පොලිසියේ ස්ථානාධිපති ප්රධාන පොලිස් පරීක්ෂක ආලෝක බණ්ඩාර සේනානායක මහතාගේ උපදෙස් මත විමර්ශන සිදු කෙරිණි.
