රටේ ජනතාවගේ ප්රධාන ඉල්ලීම දුෂණයෙන් තොර පාලනයක් ක්රමයක් බවත්, 21 වන ව්යවස්ථා සංශෝධනයේ එම ඉල්ලීමට කිසිදු පිළිතුරක් නොලැබෙන බවත් ජනාධිපති නීතිඥ මනෝහාර ද සිල්වා මහතා අවධාරණය කරයි.
21 බලාත්මක වීමෙන් සිදුවන්නේ අග්රාමාත්ය රනිල් වික්රමසිංහ මහතාගේ බලය තවත් වැඩිවීම පමණක් බැවින් එවැනි ව්යවස්ථා සංශෝධනයකට සහාය දක්වන්නේ කෙසේදැයි මනෝහාර ද සිල්වා මහතා ප්රශ්න කර සිටියි.
කොළඹ පැවැති මාධ්ය හමුවකට එක්වෙමින් හෙතෙම වැඩි දුරටත් මෙසේද පැවැසීය.
“ජනතාවගේ ප්රධාන ඉල්ලීම තමයි දූෂණයෙන් තොර පාලන ක්රමයක් ගොඩගනා ගැනීම කියන එක. දැන් මට අහන්න තියෙන ප්රශ්නේ තමයි මේ 21 වැනි ව්යවස්ථා සංශෝධනය තුළ කොතැනද තියෙන්නේ දූෂණය පිටුදැකීම සඳහා උත්තරයක්? එහෙම එකක් මේකේ නෑ.”
“දැන් මේ වගේ එකකට සහයෝගය දෙනව පුළුවන්ද? අඩුම තරමේ මේ වෙනුවෙන් පෙනී ඉන්න පුළුවන්ද? දැන් මේ 21න් හෝ 22න් කරන්නේ ඔන්න ඔය දෙයයි.”
ජනාධිපති නීතිඥ මනෝහාර ද සිල්වා මහතාදේ අදහස් දැක්වීම ඇතුළත් වීඩියෝව පහතින් නරඹන්න.
