චැනල් – 4 නාලිකාව මගින් විකාශනය කළ රූපවාහිනී වැඩසටහනේ නම් ඉදිරිපත් වූ සියලුම දෙනා අත්අඩංගුවට ගෙන විධිමත් පරීක්ෂණයක් ඔවුන්ට එරෙහිව පැවැත්විය යුතු බව දෙමළ ජාතික සන්ධානයේ නායක ආර්. සම්බන්ධන් මන්ත්රීවරයා (10 දා) පැවසීය.Sri Lanka Latest News
මාධ්ය වෙත අදහස් දක්වමින් ඔහු කියා සිටියේ එවැනි පරීක්ෂණයකින් හා අත්අඩංගුවට ගැනීමකින් තොරව අගතියට පත් කිතුණු ජනතාවට කිසිම සාධාරණයක් ඉටු නොවන බවයි.
රූපවාහිනී වැඩ සටහන තුළින් නම් කොට ඇති පිරිස අත්අඩංගුවට ගෙන පරීක්ෂණ පැවැත්වීමට ජාත්යන්තරයේ මැදිහත්වීමක් මත සිදු විය යුතු බවත් රූපවාහි නාලිකාවෙන් මේ සම්බන්ධයෙන් තවත් අවශ්ය විස්තර ලබා ගත යුතු බවත් සම්බන්ධන් මන්ත්රීවරයා කියා සිටී.
2019 දී බලය ලබා ගැනීම සඳහා එක් පාර්ශ්වයක් විසින් මෙම ප්රහාරය සැලසුම් කර ඇති බවට සාමාන්ය මතයක්ද පවතින අතර ඒ සම්බන්ධයෙන් වැඩි අවධානයක් යොමු විය යුතුව ඇතැයිද මන්ත්රීවරයා කියා සිටියේය. චැනල් 4 රූපවාහිනිය බොහෝ මූලාශ්ර සමඟින් ජාත්යන්තර ප්රජාවට පෙන්වා දී ඇත්තේ එයයි. මේ සම්බන්ධයෙන් ජාත්යන්තර පරීක්ෂණයක් පැවැත්විය යුතු බවට මතයක් ද බොහෝ පාර්ශ්වවලින් ඉදිරිපත් වෙමින් පැවතීම ඉතා සාධනීය ක්රියාවලියකුයි“ යනුවෙන්ද සම්බන්ධන් මන්ත්රීවරයා මෙහිදී වැඩිදුරටත් කියා සිටියේය.
