බැඳුම්කර සිද්ධියට චෝදනා ලැබ සිටින හිටපු මහ බැංකු අධිපති අර්ජුන් මහේන්ද්රන් මහතා මෙරටට එන ඒමට කිසිදු නීතිමය බාධාවක් නැතැයි පිවිතුරු හෙළ උරුමයේ නායක නීතිඥ උදය ගම්මන්පිල පවසනවා. Sri Lanka Latest News
මේ අතර පසුගිය නොවැම්බර් 26 වැනිදා බැඳුම්කර සිද්ධියට අදාළ නඩු කටයුත්තකදී හිටපු මහබැංකු අධිපතිවරයාට මේ වසරේ පෙබරවාරි 25 වැනිදා කොළඹ ප්රධාන මහේස්ත්රාත් අධිකරණය හමුවේ පෙනී සිටින ලෙස නියෝග කෙරුණා.
2015 වසරේ සිදුවූ මහබැංකු බැඳුම්කර නිකුතුවකින් රජයට රුපියල් බිලියන 10ක පාඩුවක් සිදුකළේ යැයි සඳහන් කරමින් අල්ලස් කොමිසම විසින් කොළඹ ප්රධාන මහේස්ත්රාත් අධිකරණය හමුවේ පැමිණිල්ලක් ගොනු කර තිබුණා.
ඊට අදාළ නඩුව පසුගිය නොවැම්බර් 26 වැනිදා කොළඹ ප්රධාන මහේස්ත්රාත් අධිකරණයේ දි විභාගයට ගැනුණේ කොළඹ ප්රධාන මහසේත්රාත් තිලිණ ගමගේ ඉදිරියේයි.
එහිදී ඉදිරිපත් කළ කරුණු සළකා බැලූ මහේස්ත්රාත්වරයා නියෝග කර ඇත්තේ හිටපු මහබැංකු අධිපති අර්ජුන් මහේන්ද්රන්ට කොළඹ ප්රධාන මහේස්ත්රාත් අධිකරණය හමුවේ පෙනී සිටින ලෙස දන්වා නොතීසි නිකුත් කරන ලෙසයි.
කෙසේ නමුත් යහපාලන ආණ්ඩු සමයේ සිදුවූ එම බැඳුම්කර වංචාව සම්බන්ධයෙන් චෝදනා ලැබ සිටින හිටපු මහබැංකු අධිපති අර්ජුන් මහේන්ද්රන් සිංගප්පූරුව වෙත ගොස් මේ වන විට වසර 10ක්.
මෙම බැඳුම්කර වංචාවට අදාළව නිත්ය ත්රිපුද්ගල විනිසුරු මඩුල්ලක් විසින් ජාත්යන්තර පොලිසිය හරහා අර්ජුන් මහේන්ද්රන්ට වරෙන්තු නිකුත් කිරීමක් ද කර තිබනෙවා
