තමන් දේශපාලන සහ සිවිල් අයිතීන් පිළිබඳ ජාත්යන්තර සම්මුති පනත යටතේ යටතේ අත්අඩංගුවට ගෙන දීර්ඝ කාලයක් අත්අඩංගුවේ රඳවා ගැනීමේ සූදානමක් ඇති බව පිවිතුරු හෙළ උරුමෙන් නායක හිටපු අමාත්ය උදය ගම්මන්පිල මහතා සඳහන් කරයි.Sri Lanka Latest News
කොළඹ පැවති මාධ්ය හමුවකදී ඒ මහතා මේ අදහස් පළ කළේය.
“මට ආරංචි වුණා ජනාධිපතිතුමාගේ ඉහළම පිරිසක් වාඩි වෙලා කතා කරලා මාව ICCPR යටතේ දේශපාලන සහ සිවිල් අයිතීන් පිළිබඳ ජාත්යන්තර සම්මුති පනත යටතේ ජාතිවාදය ඇවිස්සුවා කියන පදනමෙන් අත්තඩංගුවට ගත්තොත් මට ඇප නොදී දීර්ඝ කාලයක් අත්තඩංගුවේ තියාගෙන ඉන්න පුළුවන් කියලා සාකච්ඡා වෙලා තියෙනවා.
බහළුම් වල අවිායුධ තිබෙන්නට පුළුවන් කියන සැකය මාධ්ය හරහා මතු කරේ අපි නෙවෙයි රේගු නිලධාරීන්ගේ සංගමයේ සභාපති අමිල සංජීව මහතා.
මම ජනාධිපතිතුමා ජර්මියේ ගියාම කොටි නායක නෙදියවන් හමුවෙනවාය කිව්වා කියලා ජාතිවාදය ඇස්සුවාය කියලා ප්රකාශ කරනවා.
එතනත් මේ අය පොට පටලවගෙන මොකද මගේ ප්රකාශයේ මම කියන්නේ සමාජ මාධ්යවල යනවා ජනාධිපතිතුමා ජර්මනියේ සංචාරය කරන්නේ කොටිනායක නෙදිවන් ඊට සමගාමීව ඇවිල්ලා එහෙදි හමුවන්නයි මොකද ලංකාවේ හමුවනොත් ඒක ප්රශ්නයක් වන නිසා අපි ගාව ස්ක්රීන් ශොට් තිබෙනවා.
ජර්මනියේ ආණ්ඩුවේ ප්රධානියා තමයි චාන්සලවරයා. හරියට අපේ ජනාධිපතිතුමා ඉන්දියාව ගියාම ජනාධිපතිතුමිය හමුවීම නෙවෙයි වැදගත් වුණේ නරේද්ර මෝදි අගමැතිතුමා හමුව.
අන්න ඒ වගේ ජර්මනියේ ජනාධිපති කියන්නේ නාම මාත්ර ජනාධිපති කෙනෙක් වැදගත් පුද්ගලයා වෙන්නේ ආණ්ඩුවේ ප්රධාන වෙන්නේ චාන්සලර් කියන තනතුර දරන්නා.
ජනාධිපතිතුමා චාන්සලවරයාටගේ වෙලාවක් ඉල්ලලා එයා වෙලාව දෙන දිනයේ යන්නේ නැතුව ඔහු හමුනොවී කඩිමුඩියේ යනවා නම් මේ කියන කටකතා සමාජයේ තහවුරු වෙනවා.
ඒ නිසා ජනාධිපති තුමනි මෙහි ඇත්ත රටට පැහැදිලි කරන්න කියන අපි ඉල්ලීමයි කරේ මම නීතිඥයෙක් ඒ නිසා ඉතාම ප්රවේශමෙන් මම වචන පාවිච්චි කරලා තියෙන්නේ.
ජනාධිපති දිසානායක මැතිතුමනි උදේ ගම්මම්පිල හිරේ දානවා කියලා වෙඩි තියලා මරලා දානවා කියලා නම් බය කරන්න හම්බ වෙන්නේ නෑ. මම කතා කරන එක නතර කරන්න කාටවත්ම බෑ”
