චීනයේ රාජ්ය සංචාරයක් සඳහා ජනාධිපති අනුර කුමාර දිසානායක මහතා අද පස්වරුවේ දිවයිනෙන් පිටත්ව ගියේය.
චීන ජනාධිපති ෂී ජින් පිං (Xi Jinping) මහතාගේ ආරාධනයකට අනුව ජනාධිපති අනුර කුමාර දිසානායක මහතා ජනවාරි 14 වනදා සිට 17 වනදා දක්වා චීනයේ රාජ්ය සංචාරයක නිරත වේ.
ජනාධිපති අනුර කුමාර දිසානායක මහතා මෙම සංචාරයේදී චීන ජනපති ෂී ජින් පිං(Xi Jinping), චීන අග්රාමාත්ය ලී ච්යං (Li Qiang) යන මහත්වරු ඇතුළු රාජ්ය තාන්ත්රිකයින් හමුවීමට නියමිතය.
විදේශ කටයුතු, විදේශ රැකියා හා සංචාරක අමාත්ය විජිත හේරත්, ප්රවාහන හා මහාමාර්ග සහ වරාය හා සිවිල් ගුවන්සේවා අමාත්ය බිමල් රත්නායක, රජයේ ප්රවෘත්ති අධ්යක්ෂ ජනරාල් එච්. එස්. කේ. ජේ බණ්ඩාර මහතා යන මහත්වරුද මෙම සංචාරය සඳහා එක්ව සිටිති.
ජනාධිපති අනුර කුමාර දිසානායක මහතා චීනයේ රාජ්ය සංචාරයක් සඳහා දිවයිනෙන් පිටත්ව යාම හේතුවෙන් අමාත්යාංශ 05ක් සඳහා වැඩබලන අමාත්යවරු පත් කර තිබේ.Sri Lanka Latest News
ජනාධිපතිවරයා යටතේ පවතින ඩිජිටල් ආර්ථික අමාත්යාංශය, ආරක්ෂක අමාත්යාංශය සහ මුදල් හා ක්රම සම්පාදන සහ ආර්ථික සංවර්ධන අමාත්යාංශය යන අමාත්යාංශය 03 සඳහා මෙන්ම විදේශ කටයුතු, විදේශ රැකියා සහ සංචාරක අමාත්යාංශය හා ප්රවාහන හා මහාමාර්ග සහ වරාය හා සිවිල් ගුවන්සේවා අමාත්යාංශය සඳහා වැඩබලන අමාත්යවරු පත් කර ඇත.
එසේ පත් කරනු ලැබූ වැඩබලන අමාත්යවරු පහත පරිදි වේ.
ඩිජිටල් ආර්ථික වැඩබලන අමාත්ය – ඩිජිටල් ආර්ථික නියෝජ්ය අමාත්ය එරංග වීරරත්න මහතා
ආරක්ෂක වැඩබලන අමාත්ය – ආරක්ෂක නියෝජ්ය අමාත්ය අරුණ ජයසේකර මහතා
මුදල් හා ක්රම සම්පාදන සහ ආර්ථික සංවර්ධන වැඩබලන අමාත්ය – කම්කරු අමාත්ය හා ආර්ථික සංවර්ධන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා
විදේශ කටයුතු, විදේශ රැකියා සහ සංචාරක වැඩබලන අමාත්ය – විදේශ රැකියා නියෝජ්ය අමාත්ය අරුන් හේමචන්ද්ර මහතා
ප්රවාහන හා මහාමාර්ග සහ වරාය හා සිවිල් ගුවන්සේවා වැඩ බලන අමාත්ය – ප්රවාහන හා මහාමාර්ග නියෝජ්ය අමාත්ය වෛද්ය ප්රසන්න කුමාර ගුණසේන මහතා
ජනාධිපති මාධ්ය අංශය
2025-01-13
