ශ්රී ලංකාව තුළ ක්රියාත්මක මත්ද්රව්ය ජාලය තුරන් කිරීමේ මෙහෙයුමේ දී තවත් සුවිශේෂ ඉදිරි පියවරක් තබමින් ජනාධිපති අනුර කුමාර දිසානායක මහතා ලංකාව කේන්ද්ර කොටගෙන සිදුකෙරෙන ජාත්යන්තර මත්ද්රව්ය සැපයුම් ජාලය සම්පූර්ණයෙන්ම විනාශ කිරීමට තීන්දු කර ඇති බව වාර්තා වේ.
මේ සම්බන්ධයෙන් ජනාධිපතිවරයාගේ ප්රධානත්වයෙන් විමර්ශන කණ්ඩායම් අතර පැවැති සාකච්ඡාවලදී එවැනි ක්රියාමාර්ගයකට ගියහොත් ජනාධිපතිවරයා සම්බන්ධයෙන් බරපතළ ආරක්ෂක අනතුරක් මතුවීමේ අවදානමක් ඇති බව විමර්ශන අංශ විසින් පෙන්වා දී ඇති බවක් දැනගන්නට තිබේ.Sri Lanka Latest News
නමුත් එහිදී ජනාධිපතිවරයා ඍජුවම සඳහන් කොට ඇත්තේ කුමන බලපෑම් එල්ල වුවද, කුමන තර්ජන එල්ල වුවද මත්ද්රව්ය විනාශ කිරීම සඳහා ආරම්භ කළ සටන කිසිසේත් අතරමග නවතා දැමීමට කටයුතු නොකරන බවකි.
එමෙන්ම ජනාධිපතිවරයා මේ සම්බන්ධයෙන් සිය පක්ෂයේ වගකිව යුත්තන් සමගද අදහස් හුවමාරු කරගෙන ඇති බවද ‘මව්රට’ පුවත්පතට ආරංචිය.
ඒ අනුව, ලංකාවට ටොන් ගණනින් මත්ද්රව්ය ගෙන්වා ප්රතිඅපනයනය කරන ප්රධානතම ජාත්යන්තර ජාලයන් සියල්ලම හඳුනා ගැනීමටත්, ඒම සැපයුම් දාමයන් සියල්ල විනාශ කර දැමීමටත් ඒ සම්බන්ධයෙන් පරීක්ෂණ පවත්වන අංශ දැනටමත් පියවර ගෙන ඇති බවක් දැනගන්නට ඇත.
එමෙන්ම කෙහෙල්බද්දර පද්මේ ඇතුළු කණ්ඩායම අත්අඩංගුවට ගෙන මෙරටට රැගෙන ඒමත් සමග රට ඇතුළේ සිදුවන මත්ද්රව්ය ව්යාපාරයෙන් 50%ක පමණ ප්රමාණයක් මේ වනවිට බිඳවැටී ඇති බවක්ද වාර්තා වේ.
