ආණමඩුව කොට්ටුකච්චිය කච්චිමඩුව අක්කර 7ක වම්බටු වගාවේ අස්වැන්න අලෙවි කර ගැනිමට යාමට ඉන්ධන නොමැතිව වගාකරු අසරණ වී සිටියි.
විවිධ අර්බුද හමුවේ මහත් අසිරුතාවයෙන් වගා කල වම්බටු වගාවේ අස්වැන්න නිසි මිලට අලෙවි කිරීමට රැගෙන යාමට ඉන්ධන සොයා ගැනිමට නොහැකි විම මත අස්වැන්න විනාශ වන බව ද වගාකරු පවසයි.
මේ අතර මෙවර යල් කන්නයේ නෙලාගත් වට්ටක්කා අස්වනු ඉන්ධන නොමැතිකම හේතුවෙන් අලෙවි කර ගැනිමට නොහැකිවි ඇතැයි මහවිලච්චිය ප්රදේශයේ ගොවිහු පවසති.
මහවිලච්චිය ගොවි ව්යාපාරයේ යාය 07,මන්නාරම් හන්දිය, යාය 03,දකුණු ඉවුර යන ප්රදේශවල පදිංචි ගොවිහු මෙවර යල්කන්නයේ අක්කර 600කට ආසන්න භුමි ප්රමාණයක වට්ටක්කා වගා කොට තිබේ.
එහෙත් එම වගාවෙන් නෙලාගත් වට්ටක්කා අස්වැන්න වෙළෙඳපොළට රැගෙන යාමට ඉන්ධන නොමැතිකම හේතුවෙන් තමන් දැඩි අපහසුතාවයකට පත්ව සිටින බවද එම ගොවිහු පවසති.
