රජයට අයත් පොහොර සමාගම් දෙක වන ලංකා පොහොර සමාගම සහ කොමර්ෂල් පොහොර සමාගම විසින් පොහොර බෙදා හරින අයුරු සොයා බැලීම සඳහා කෘෂිකර්ම අමාත්ය මහින්ද අමරවීර මහතා අද (17) වත්තල පිහිටි එම පොහොර සමාගම්වලට අයත් ගබඩා නිරීක්ෂණය කර තිබෙනවා.
ඉන්දීය ණය වැඩ පිළිවෙළක් යටතේ ලබා දෙන ලද පොහොර මෙට්රික් ටොන් 65,000න් පළමු තොගය වශයෙන් මෙට්රික් ටොන් 44,000ක් පසුගිය සතියේ ශ්රී ලංකාවට ලබා දුන්නා.
එහි දෙවන තොගය වන මෙට්රික් ටොන් 21,000ක තොගය සහිත නැව ඉදිරි සති දෙක තුළ අප රටට පැමිණීමට නියමිතයි.
පොහොර බෙදා හැරීමේ දී ප්රමාණවත් තරම් ඉන්ධන නොමැතිවීම ගැටලුවක් ව පවතී අතර ඊට අදාල අංශවලට දුරකථනයෙන් කතා කළ අමාත්යවරයා අද දින තුළ ම ඩීසල් අවශ්ය ප්රමාණයන් එවීමට කටයුතු කරන ලෙස දැනුම් දී තිබෙනවා.
එමෙන්ම ඉන්ධන බවුසර් 05ක් සඳහා අවශ්ය මුදල් හෙට දිනයේ (18) ලංකා ඛනිජ තෙල් සංස්ථාවට තැම්පත් කරන ලෙස ද අමාත්යවරයා උපදෙස් දුන් බවයි අමාත්යංශය නිවේදනය කළේ.
යුරියා පොහොර දිවයින පුරා බෙදා හැරීම් කටයුතුවල දී ලංකා පොහොර සමාගම එම තොගයෙන් සියයට 60ක් ද , කොමර්ශල් පොහොර සමාගම සියයට 40ක් ද බෙදා හරිනු ලබයි. සියලුම දිස්ත්රික්කයන් ආවරණය වන පරිදි පොහොර බෙදාහැරීම සිදු කෙරෙනවා.
කෙසේවෙතත් පසුගිය සතියේ අමරවීර මහතා කියා සිටියේ තමන් කෘෂිකර්ම අමාත්ය ධූරයෙන් ඉවත් වීමට පියවර ගත් බවකි.
