මැදපෙරදිග කලාපයේ පවතින යුදමය වාතාවරණය හමුවේ ඉන්ධන සැපයුම අඩාල වීම නිසාවෙන්, විදුලිය සහ ඉන්ධන සංරක්ෂණය සඳහා ගැනෙන හදිසි පියවරවල කොටසක් ලෙස බංග්ලාදේශය පුරා සියලුම විශ්වවිද්යාල දින නියමයකින් තොරව වසා දැමීමට එරට රජය තීරණය කර තිබේ.Sri Lanka Latest News
එරට බලධාරීන්ට අනුව, මෙම පියවර විදුලි පරිභෝජනය අඩු කිරීම මෙන්ම ඉන්ධන නාස්තියට තුඩු දෙන රථවාහන තදබදය ද ලිහිල් කරනු ඇති.
බලශක්ති අවශ්යතාවයෙන් සියයට 95 ක් ආනයනය මත යැපෙන බංග්ලාදේශයේ, ඉරාන යුද්ධය හේතුවෙන් හෝමුස් සමුද්ර සන්ධිය ඇතුළු මුහුදු මාර්ග අවහිර වීම නිසාවෙන් මෙම සැපයුම් ජාලය සම්පූර්ණයෙන්ම බිඳ වැටී ඇත.
ඉතිරිව ඇති ඉන්ධන තොග අත්යවශ්ය සේවාවන් සඳහා පමණක් කළමනාකරණය කරගැනීමේ අරමුණින්, සාමාන්ය ජනතාවට ඉන්ධන අලෙවි කිරීම සීමා කිරීමට ද පියවර ගෙන තිබේ.
ඉන්ධන හිඟය නිසා එරට විදුලි උත්පාදනය ද අඩාල වී ඇති අතර, ප්රධාන නගර රැසක පැය ගණනාවක විදුලි කප්පාදුවක් ක්රියාත්මක වේ.
බංග්ලාදේශයට පමණක් නොව, ආසියානු කලාපයේ බලශක්තිය සඳහා මැදපෙරදිග මත යැපෙන බොහෝ රටවලට ඉදිරි දිනවලදී මෙම බලපෑම තදින්ම දැනෙනු ඇතැයි ආර්ථික විශේෂඥයෝ අනතුරු අඟවයි.
