ONE ගෝල්ෆේස් ගොඩනැගිල්ලේ ආපන ශාලාවක් තුළ සිදුවු පහරදීමේ සිද්ධියට සම්බන්ධ සුරාබදු නිලධාරීන් ක්ෂේත්ර රාජකාරීවලින් ඉවත් කිරීමට සුරාබදු දෙපාර්තමේන්තුව පියවර ගෙන තිබේ.
අදාළ සිද්ධිය සම්බන්ධයෙන් සුරාබදු දෙපාර්තමේන්තුව විසින් සිදුකරනු ලබන විමර්ශනවලට අදාළව සුරාබදු කොමසාරිස් ජනරාල්වරයාගේ නියෝග පරිදි අදාළ නිලධාරීන් ක්ෂේත්ර රාජකාරීවලින් ඉවත් කිරීම සිදුකර ඇති බව සඳහන්ය.
පසුගියදා වන් ගෝල්ෆේස් සාප්පු සංකීර්ණයේ පීසා අලෙවිසැලක හෙල්මටයක් සම්බන්ධයෙන් ඇති වූ ආරවුලක් මත සුරාබදු නිලධාරීන් පිරිසක් සහ අදාළ අවන්හලේ සේවකයින් පිරිසක් අතර ගැටුමක් හටගෙන තිබුණි.
එහිදි අවන්හලේ ප්රධාන සූපවේදියා සහ සුරාබදු නිලධාරීන් කිහිපදෙනෙකු ද තුවාල ලබා රෝහල් ගත කරනු ලැබීය.
පසුව සිද්ධිය සම්බන්ධයෙන් සුරාබදු දෙපාර්තමේන්තුව සහ පොලීසිය මඟින් විමර්ශනයක් ආරම්භ කළ අතර එහිදි අනාවරණය වන තොරතුරු අනුව අදාළ නිලධාරීන් සම්බන්ධයෙන් තවදුරටත් නීතිමය ක්රියාමාර්ග ගැනීමට නියමිත බව සුරාබදු දෙපාර්තමේන්තුවේ මාධ්ය ප්රකාශක සුරාබදු කොමසාරිස් කපිල කුමාරසිංහ මහතා සඳහන් කළේය.
එමෙන්ම අදාළ සිද්ධිය සම්බන්ධයෙන් මේ දක්වා සිදුකෙරුණු විමර්ශනවල ප්රගතිය පිළිබඳ මුදල් රාජ්ය අමාත්ය රංජිත් සියඹලාපිටිය මහතා වෙත වාර්තාවක් ද සුරාබදු දෙපාර්තමේන්තුව විසින් ඉදිරිපත් කර තිබේ.
excise officers
