එක්තරා විහාරස්ථානයකට ඒකක 8500ක් පාව්ච්චි කිරීම හේතුවෙන් ලක්ෂ පහමාරක බිලක් ලැබී ඇති බවත්, ඉකුත් මාසයේ එම විහාරස්ථානයේ බිල රුපියල් 80000ක් වී ඇති බවත් මහජන උපයෝගිතා කොමිසමේ සභාපති ජනක රත්නායක මහතා පැවසීය.
මෙවැනි ආකාරයට දැවැන්ත විදුලි පරිභෝජනයක් කරන ආගමික ස්ථාන පිළිබඳව රජය මැදිහත්විය යුතු බවත් ඒ මහතා පෙන්වා දුන්නේය.
මෙවැනි විශාල පරිභෝජනයක් ඇති ස්ථානවලට ලක්ෂ 5 කට වඩා වැඩි බිලක් ලැබීම වැලැක්විය නොහැකි බව කී රත්නායක මහතා සඳහන් කළේ පන්සල්වලට සහනාධාර දීම රජයේ කටයුත්තක් බවත්ය.
සමස්ත රට තුළ ඇති ආගමික ස්ථාන 48,500 ක පමණ සංඛ්යාවෙන් සියයට 75 ක් පමණ ඒකක 180 කට අඩු විදුලි පරිභෝජනයක් ඇති ඒවා බවත් සියයට 25 ක් පමණ වන විශාල පරිභෝජනයක් ඇති ස්ථාන ගැටලුවක් බවට පත්ව ඇති බවත් රත්නායක මහතා වැඩි දුරටත් කීය.
