කිළිනොච්චිය පලෙයි ප්රදේශයේ වයස අවුරුදු 15 ක දැරියක් දූෂණය කිරීම සම්බන්ධයෙන් චෝදනා ලැබ සිටි පූසාරියෙකුට කිළිනොච්චිය මහාධිකරණ විනිසුරු එම්.සහාබ්දීන් විසින් විසින් වසර 12 ක බරපතල වැඩ සහිත සිර දඩුවමක් 18 දා නියම කරනු ලැබීය. (Sri Lanka Latest News)
මෙම සිර දඬුවමට අමතරව දූෂණයට ලක්වූ දැරියට වන්දි වශයෙන් රුපියල් ලක්ෂ 2ක මුදලක්ද, දඩ වශයෙන් රුපියල් දස දහසක්ද ගෙවන ලෙස විනිසුරුවරයා නියෝග කළේය.
දරුයගේ වන්දි මුදල නොගෙවන්නේ නම් සිර දඬුවම තවත් වසර දෙකකින්ද, දඩ මුදල නොගෙවන්නේ නම් සිර දඬුවම තවත් මාස හයකින්ද වැඩිවන බව නඩු තීන්දුවේ සඳහන්ව ඇත.
පූසාරියා මෙම දැරිය දූෂණය කොට ඇත්තේ 2016 ජූලි මස 11 වැනිදාය.
සිද්ධිය සම්බන්ධයෙන් කිළිනොච්චිය පොලිසිය සැකකරුව අත්අඩංගුවට ගෙන කිලිනොච්චිය දිසා අධිකරණයට ඉදිරිපත් කොට තිබූ අතර, එම අධිකරණයේ විභාග වූ මෙම නඩුව නීතිපතිවරයාගේ උපදෙස් මත කිලිනොච්චිය මහාධිකරණය වෙත මාරුකොට තිබිණි.
දැරියගේ සාක්ෂි හා විද්යාත්මක සාක්ෂි මත විත්තිකරු විසින් අපරාධය සිදුකළ බව පැහැදිලිවම ඔප්පු වී තිබිණි.
lankasara
