අගවිනිසුරුවරයා ගමන් ගත් රථ වාහන පෙළ වීඩියෝ කළ බව පවසමින් අත්අඩංගුවට ගත් සැකකරුවකු ලබන 10 වනදා දක්වා රක්ෂිත බන්ධනාගාර ගත කරන ලෙස කොළඹ මහෙස්ත්රාත් අධිකරණය නියම කළේය.Sri Lanka Latest News
කුරුඳුවත්ත පොලීසිය මඟින් අත්අඩංගුවට ගත් මෙම සැකකරු කොළඹ ප්රධාන මහෙස්ත්රාත් අසංක. එස් .බෝදරගම මහතා හමුවට පමුණුවනු ලැබීය.
කුරුඳුවත්ත පොලීසිය අධිකරණය හමුවේ ඉල්ලීමක් කරමින් මෙම සැකකරු සම්බන්ධ විමර්ශන කටයුතු තවදුරටත් පැවැත්වෙන බව පැවසුවේය.
සැකකරුගේ ජංගම දුරකථනය රජයේ රස පරීක්ෂකවරයා වෙත යොමු කර වාර්තාවක් කැඳවීමට නියෝගයක් නිකුත් කරන ලෙසත් පොලීසිය අධිකරණයෙන් ඉල්ලා සිටියේය.
සැකකරු වෙනුවෙන් පෙනී සිටි නීතිඥවරයා සඳහන් කළේ, අදාළ රථවාහන පෙළ ඡායාරූපගත කිරීම සම්බන්ධයෙන් තම සේවාදායකයා සමාව අයැද සිටින බවත් සිය සේවාදායකයා ඇප මත මුදා හරින ලෙසත් ඉල්ලා සිටියේය.
ඉදිරිපත් වූ කරුණු සලකා බැලූ මහෙස්ත්රාත්වරයා සැකකරු ලබන 10 වනදා දක්වා රක්ෂිත බන්ධනාගාර ගත කිරීමට නියම කළේය.
එමෙන්ම සැකකරුගේ ජංගම දුරකථනය රජයේ රස පරීක්ෂකවරයා වෙත යොමු කර වාර්තාවක් කැඳවීමට පියවර ගන්නා ලෙසත් මහෙස්ත්රාත්වරයා විසින් වැඩිදුරටත් නියම කරනු ලැබුවේය.
