විශ්රාම වැටුප් සහ වැටුප් ගෙවන වැඩපිළිවෙළ කලමනාකරණය කර ගන්න බැරි තත්ත්වයකට ඒවිදෝ යනුවෙන් ගැටලුවක් මතුව ඇති හෙයින් මෙය පවත්වා ගෙන යාමට නම් ලැබිය යුතු රාජ්ය ආදායම ආදිය සම්බන්ධයෙන් සමීක්ෂණයක් කර ඇත්ද යනුවෙන් විපක්ෂ නායක සජිත් ප්රේමදාස මහතා ප්රශ්න කර සිටියේය.Sri Lanka Latest News
එසේ ම 2015-2019 කාලය තුළ රාජ්ය සේවයේ නිරත වූ නිලධාරීන්ට දීමනාවක් ලබා දී පසුව එය විශ්රාම වැටුපට ගැලපූ අවස්ථාවේ එහි දී අඩුපාඩු රාශියක් සිදුවී විශ්රාමිකයන්ගේ ගැලපීම 2020 ජනවාරි මාසයේ ගත් තීන්දුවක් තුළ ඇනහිටි බවත් එය සිදු කිරීමට නම් වැයවන මුදලත් අගතියට පත් පුද්ගලයන් සංඛ්යාවත් විපක්ෂ නායකවරයා මෙහි දී තවදුරටත් ප්රශ්න කර සිටියේය.
ඒ විශ්රාම වැටුප් දෙපාර්තමේන්තුවේ නිලධාරීන් සමඟ පැවැති කාරක සභාවක දි විපක්ෂ නායක සජිත් ප්රේමදාස මහතා සිදු කළ ප්රශ්න කිරීම්වලින් අනතුරුවය.
තවද 2020 ජනවාරි මාසයේ මෙය අත්හිටුවීමට බලපෑ හේතු විමසීමේ දී විශ්රාම වැටුප් දෙපාර්තමේන්තුවේ නිලධාරීන් කියා සිටියේ රටේ පැවැති ආර්ථික අර්බුදයත් සමඟ මුදල් ගැටලුවක් ඇති වීම නිසා එම ගෙවීම් සිදු නොකිරිමට සිදු වූ බවත් ය.
එසේ ම ඉදිරියේ දී විශ්රාම වැටුප් වේතන තිරිසරව පවත්වා ගැනීමට විධිමත් වැඩපිළිවෙළක් පවති ද යන්න විපක්ෂ නායකවරයා විසින් ප්රශ්න කර සිටි අවස්ථාවේ දී විශ්රාම වැටුප් දෙපාර්තමේන්තුවේ ඉහළ නිලධාරියෙක් කියා සිටියේ 2028-2030 වන විට විශ්රාම වැටුප් ගෙවීමේ අර්බුධයකට මුහුණ දෙන බව යි.
