උඩරට වතු කම්කරුවන්ගේ අර්ථසාධක සහ භාරකාර අරමුදල් වසර ගණනාවකින් ගෙවා නැති බව විපක්ෂ නායක සජිත් ප්රේමදාස මහතා අද (12) පාර්ලිමේන්තුවේදී පැවසීය. (Sri Lanka Latest News)
එසේම ඔවුන් චෝදනා කර සිටින්නේ සමහර වතු ප්රදේශවල කොටස් විවිධ ව්යාපාරිකයන්ට ලබාදීමට රජය තීරණය කර ඇති බවයි.
අවම ඉඩම් ප්රමාණයකින් 70%කට වැඩි තේ අස්වැන්නක් ලබා දෙන්නේ කුඩා තේ වතු හිමියන් බවත් රාජ්ය සහ සමාගම් හිමිකාරිත්වය සහිත තේ වතු ලබා දෙන්නේ අඩු දායකත්වයක් බවත් විපක්ෂ නායකවරයා මෙහි දී පැවසීය.
එවැනි තත්ත්වයක් තුළ මෙවැනි මුඩු ඉඩම් විවිධ සමාගම්වලට විකුණන්නේ නැතිව එම මුඩු ඉඩම් තේ කම්කරුවන්ට ලබා දී ඔවුන් ව්යවසායකයකු බවට පත් කිරීමට සමගි ජන බලවේග රජයක් තුළ කටයුතු කරන බවත්, මෙම උඩරට ප්රජාව කම්කරුවන් ලෙස නොතබා කුඩා තේ වතු හිමියන් ලෙස තැබීම තුළින් තේ නිෂ්පාදනයට වැඩි දායකත්වයක් ලබා දිය හැකි බවත් විපක්ෂ නායක සජිත් ප්රේමදාස මහතා මෙහි දී පැවසීය.
