සාමාන්යයෙන් අතීතයේ සිටම ජවිපෙ යනු මනාප සටන ප්රතික්ෂේප කළ පක්ෂයකි. අනෙක් පක්ෂ සියල්ලම මහ මැතිවරණයේදී මනාප සටනට පිවිස එකිනෙකා මරාගන්නා දේශපාලන ප්රචාරක ව්යාපාරයක නිරත වුවත්, සියල්ලන්ටම ආදර්ශයක් දෙමින් එදා සිටම ජවිපෙ කළේ මනාප ප්රතික්ෂේප කළ ඡන්ද ව්යපාරයකි. එය කිසිදු අවස්ථාවක වෙනස් නොකළ ප්රතිපත්තියක් බවට ඔවුන් පත්කරගෙන තිබිණි.Sri Lanka Latest News
මාලිමාවත් මනාප සටනට
කෙසේ වෙතත් මෙවර මහ මැතිවරණයේදී ජවිපෙ රැකගෙන ආ එම ප්රතිපත්තියේ ප්රබල වෙනසක් සිදුව ඇති ආකාරයක් මේ වනවිට දැකගන්නට තිබේ. විශේෂයෙන්ම ජවිපෙ සහ මාලිමාවේ නියෝජිතයන්ට ඒ ඒ දිස්ත්රික්කවල තරග කිරීමට අවස්ථාව ලබාදීමත් සමග ජවිපෙද මේ වනවිට තීන්දු කොට ඇත්තේ මනාප සටනට පිවිස ඉහළම මනාප ගත් නියෝජිතයන් පාර්ලිමේන්තුවට එවීමටය. මේ බව මේ වනතෙක් ජවිපෙ කිසිදු නායකයෙක් එළිපිට කතාකොට නැතත්, එවිපෙ එක් අයකු පමණක් මේ බව පසුගිය සතියේ ප්රසිද්ධියේම රටට කීමට කටයුතු කළේය. ඒ, වෙන කවුරුවත් නොව මහනුවර මාලිමා කණ්ඩායමේ නායකයා ලෙස සැලකෙන කේ.ඩී. ලාල්කාන්තය. ලාල්කාන්ත පසුගිය සතියේදී ජවිපෙ වෙනස් වුණු මෙම ප්රතිපත්තිය සම්බන්ධයෙන් කියා සිටියේ මෙවැනි කතාවකි.
‘මනාපවලින් තේරී පත්වෙන අය පාර්ලිමේන්තු යවනවා. ඒක තමයි ක්රමය. මැතිවරණ නීතියත් ඒක. ඊට වෙනස්ව කිසිවක් කෙරෙන්නේ නෑ. ඔය පරණ කතා. ඉස්සර කතා. ඉස්සර අපි ජනතා විමුක්ති පෙරමුණ විදියට ඡන්ද කරන කාලේ අපි මනාප කැම්පේන් කළේ නෑ. පක්ෂයෙන් තෝරලා කට්ටිය යැව්වා. මේක එහෙම එකක් නෙවෙයි. පොදුජන, බහුජන, දැවැන්ත ව්යාපාරයක්. මහජනතාව මනාප ලබාදීපු අය මනාප ලබාගන්නා අනුපිළිවෙළට තේරී පත්වන මන්ත්රී සංඛ්යාවට හරියන්න පාර්ලිමේන්තු යනවා…’ යනුවෙන් ලාල්කාන්ත එහිදී සඳහන් කොට තිබිණි.
