මොරටුව පොලීසිය ඉදිරිපිට ඊයේ රාත්රියේදී මේ වනවිට උණුසුම් තත්ත්වයක් ඇතිව තිබේ.Sri Lanka Latest News
ගම්වාසීන් කිහිපදෙනෙකු අත්අඩංගුවට ගත් බව පවසමින් 100කට අධික පිරිසක් ඊයේ රාත්රියේ මොරටුව පොලීසිය ඉදිරිපිටට පැමිණ විරෝධතාවක නිරතව තිබිණ.
මේ සම්බන්ධයෙන් පොලීසිය ප්රකාශ කළේ මොරටුව ප්රදේශයේ දේවස්ථානයක් ඉදිරිපිට නිර්මාණය කරමින් තිබූ තොරණක් හේතුවෙන් එහි සිටි පිරිසක් මාර්ගයට අවහිරවන ලෙස රැඳී සිටි ඇති බවත්, ඒ හේතුවෙන් ඔවුන්ව ඉන් ඉවත්කිරීමට රථ වාහන අංශයේ පොලිස් නිලධාරීන් කටයුතු කිරීමේදී පිරිසක් ඊට බාධා කළ බවත්ය.
එහිදී පොලිස් නිලධාරීන් දෙදෙනෙකු පහරකෑමකට ලක්ව ඇති අතර, එම නිලධාරීන් මේ වනවිට පානදුර රෝහලේ ප්රතිකාර ලබන බව පොලීසිය වැඩිදුරටත් පැවසීය.
එම පහරදීම හා ඇති වූ තත්ත්වය මත රාජකාරියට බාධා කළ බව පවසමින් මොරටුව පොලීසිය විසින් පුද්ගලයන් 5 දෙනෙකු අත්අඩංගුවට ගෙන ඇත.
කෙසේ නමුත් එම අත්අඩංගුවට ගැනීමට විරෝධය පලකරමින් ප්රදේශවාසින් මෙලෙස මොරටුව පොලීසිය අසලට පැමිණ ඇත.
මෙම තත්ත්වය පාලනය කිරීම සඳහා පියතුමන්ලා කිහිප දෙනෙකුද පැමිණ සිටියි.
ඒ අතර කොළඹ අගරදගුරු පදවියේ මාධ්ය ප්රකාශක සිරිල් ගාමිණී ප්රනාන්දු පියතුමන්ද වෙති.
