එකවර වෙඩි උණ්ඩ දෙකක් පිට කළ හැකි අති නවීන පන්නයේ ගිනි අවියක් සමග මනුෂ්ය ඝාතනවලට සම්බන්ධ අපරාධ කල්ලි සාමාජිකයෙකු අත්අඩංගුවට ගත් බව අපරාධ පරීක්ෂණ දෙපාර්තමේන්තුව පවසනවා.Sri Lanka Latest News
අබුඩාබි රටේ නිෂ්පාදිත මිලිමීටර් වර්ගයේ මෙම ගිනි අවිය හා ජිව උණ්ඩ 3 ක් පොලිස් භාරයට ගෙන තිබෙනවා.
අත්අඩංගුවට ගත් එම සැකකරු මරණීය දණ්ඩනය නියමව බූස්ස බන්ධනාගාරයේ අධි ආරක්ෂිත කලාපයේ රඳවා සිටින ප්රබල මත්ද්රවය ජාවාරම්කරුවකු සහ සංවිධානාත්මක්මක අපරාධකරුවෙකු වන සිරිනාත පතිරණහැන්නලාගේ චමින්ද රවී ජයනාත් නොහොත් දෙමටගොඩ චමින්දනමැත්තාගේ සමීපතම ගෝලයෙක් බව පොලිසිය පවසනවා.
සැකකරු සන්තකයේ අති නවීන පිස්තෝල ගිනි අවියක් තිබෙන බවට අපරාධ පරීක්ෂණ දෙපාර්තමේන්තුවේ මනුෂ්ය ඝාතන හා සංවිධානාත්මක අපරාධ විමර්ශන අංශයේ ස්ථානාධිපතිට ලද තොරතුරකට අනුව කොළඹ 15 , මට්ටක්කුලිය සමගිපුර නිවසේදී සැකකරු අත්අඩංගුවට ගෙන සිදුකළ ප්රශ්න කිරීමේදී ගිනි අවිය සම්බන්ධයෙන් තොරතුරු අනාවරණය කළ බවයි පොලිසිය සඳහන් කරන්නේ.
එම සැකකරුගේ මග පෙන්වීම මත මට්ටක්කුලේ සමීට්පුර ක්රීඩා පිටිය පිටුපස කැලෑවේ බෑගයක් තුළ බහා වළ දමා තිබූ මෙම ගිනි අවිය සොයාගත් බව පොලිසිය පවසනවා.
මෙම ගිනි අවියේ අනෙක් ගිනි අවිවලට වඩා ඇති විශේෂත්වය එකවර උණ්ඩ දෙකක් පිට කිරීම බවත් මෙරට ආරක්ෂක අංශවල භාවිතයට ද මෙතෙක් නොමැති බවත් පොලිසිය සඳහන් කරනවා.
සැකකරුට මෙම ගිනි අවිය ලද ආකාරය සම්බන්ධයෙන් සිදු කළ ප්රශ්න කිරීමේදී විදේශ ගතව සිටින ඔහුගේ සහෝදරයා වන ‘චප්පා’ නැමැත්තා මාර්ගයෙන් මෙය තමන් වෙත ලැබුණ බව අනාවරණය කළ බව පොලිසිය පවසනවා.
අත්අඩංගුවට ගත් සැකකරු මට්ටක්කුලිය ප්රදේශයේ අපරාධ කල්ලි සාමාජිකයන් වන ‘චූටි උක්කුං’ නමැත්තා සහ ‘ආනමාලු රංග’ නමැත්තන් වෙඩි තබා ඝාතනය කිරීමේ සිද්ධියේ ප්රධාන සැකකරු බවත් පොලිසිය සඳහන් කරනවා.
නීති විරෝධී වත්කම් විමර්ශන කොට්ඨාසයෙන්ද මෙම සැකකරුට එරෙහිව රුපියල් කෝටි විස්සක අයථා දේපළ සම්බන්ධයෙන් විමර්ශනයක් සිදු කරන බවයි පොලිසිය වැඩිදුරටත් පවසන්නේ.
අත්අඩංගුවට ගත් සැකකරු 37 හැවිරිදි වියේ පසුවෙයි.
අපරාධ පරීක්ෂණ දෙපාර්තමේන්තුවේ මනුෂ්ය ඝාතන හා සංවිධානාත්මක අපරාධ විමර්ශන අංශයේ ස්ථානාධිපති පොලිස් පරීක්ෂක මනෝජ් ගයන්නගේ මෙහෙයවීමෙන් උප පොලිස් පරීක්ෂක ලියනගේ, පොලිස් සැරයන්වරුන් වන (10033) මහේෂ්, (49473) ගමගේ (67785) චාමර, පොලිස් කොස්තාපල්වරුන් වන (85151) මඩවල, (104597) කුමාර, (97469) පෙරේරා නිලධාරීන් පරීක්ෂණ පවත්වනවා.
