ප්රධාන විපක්ෂය වන සමගි ජන බලවේගය ප්රමුඛ කොට ගෙන නිර්මාණය වීමට නියමිත විපක්ෂයේ දැවැන්තම දේශපාලන සන්ධානය කඩාකප්පල් කිරීම සඳහා එක්තරා කණ්ඩායමකට දේශපාලන කොන්ත්රාත්තුවක් ලැබී ඇති බව දැනගන්නට තිබේ.Sri Lanka Latest News
ඒ අනුව, මෙම කණ්ඩායම සජබ සන්ධානය බිඳදැමීම සඳහා පක්ෂය ඇතුළත මෙන්ම පිටත සිටිමින් විවිධ ප්රකාශ නිකුත් කරමින් සිටින ආකාරයක් දැකගත හැකිය.
මෙම පිරිස පිළිබඳ පක්ෂයේ මන්ත්රීවරුන් විශාල පිරිසක් පක්ෂ නායකත්වය වෙත මේ වන විටත් පැමිණිලි කොට ඇති අතර, ඔවුන් සම්බන්ධයෙන් වහාම දැඩි පියවරක් ගන්නා ලෙස පක්ෂ නායකත්වයෙන් ඉල්ලීමක් කොට ඇති බවද වාර්තා වේ.
එසේ නොවුණහොත් තීරණාත්මක අවස්ථාවකදී මෙම පිරිස නව සන්ධානයට මෙන්ම පක්ෂයටද විශාල දේශපාලන හානියක් සිදුකරනු ඇති බව ඔවුන්ගේ විශ්වාසය වී තිබේ.
දැනටමත් මෙම පිරිස කවුරුන්ද යන්න හඳුනාගෙන ඇති අතර, ඉදිරියේදී ඔවුන් පිළිබඳ පාක්ෂිකයන්ටත් රටටත් හෙළිදරව් කිරීමට මෙම මන්ත්රීවරු සූදානමින් සිටින බවද දැනගන්නට ඇත.
