ආර්.එෆ්.එම්.සුහෙල් – නුවරඑළිය
2025.11.27 සවස 06.30 සිට 2025.11.30 සවස 01.30 දක්වා පැය 67ක කාලයක් නුවරඑළිය දිස්ත්රික්කයට සහ ඒ අවට සීමාවන් වන ගම්පොල වැලිමඩ නාවාලපිටිය යන ප්රදේශ දක්වා මුළුමනින්ම අන්තර්ජාල හා දුරක්ථන සබඳතා මුළුමනින්ම ඇනහිටිම හේතුවෙන් කිසිදු තොරතුරක් හුවමාරු කර ගැනීමට නොහැකි තත්වයක නුවරඑළිය නගරය හා අවට ප්රදේශයන් වන නානුඔය මීපිළිමාන ශාන්තිපුර යන ප්රදේශවල පිවිසුම් මාර්ග හා ස්ථාන රැසක නාය යෑම් හා ගං වතුර තත්වයන්ගෙන් ආපදා විශාල ප්රමාණයක් සිදු වී ඇති බව නුවරඑළිය ආපදා කලමණාකරණ ඒකකය අනාවරණය කරයි ,Sri Lanka Latest News
මෙම පැය 70කට ආසන්න කාල සීමාව තුල සිදුවූ කිසිදු අනතුරක් කිසිවෙකුට වගකිව යුත්තන්ට දැනුවත් කිරීමට නොහැකි තත්වයක් හා අවශ්ය සහන සේවා සැපයීමට බොහැකි තත්වයක් හමුවේ මහ ජනතාව හා පොලිසිය ඇතුලු රාජ්ය නිලධාරින් දැඩි අපහසුතා රැසකට පත්විය ,
2025.11.30 දහවල් 01.30 දුරකථන සබදතා සදහා පමණක් පහසුකම් සැලසුනද අන්තර්ජාල පහසුකම් පෙර පරිදි විධිමත් වන්නට තවත් කාලයක් ගත වන බව දුරකථන සබඳතා සපයන ආයතන දැනුම් දී තිබින
මාර්ග අරහා ගමන් ගන්නා වාහන පුද්ගලයන් අරහා පණිවුඩ හුවමාරු කර ආපදා තත්වයන් දැනුම් දීමට හා මුදවාගැනීම් සිදු කිරීමට සහයෝගය ලබා ගැනීමට නුවරඑළිය ජනතාවට සිදු විය ,
අධික වර්ශාවෙන් නුවරඑළිය ග්රෙගරි වැව වාන් දැමීමෙන් හා සොරව්ව විවර කිරීමෙන් එහි දැවැන්ත ජල කද ගලා බසින බැලැක්ෆූල් නානුඔය පාලම අසල පැරනි දුම්රිය මාර්ගයේ නිවාස 4ක් මුළුමනින්ම ජල පහරට ගසාගෙන ගොස් ඇත ,
එසෙල එම නිවාස ජලයෙන් ගසාගෙන ගොස් ඇත්තේ තහඩු සහ ලෑලි වලින් සකසා තිබූ නිවාස වන අතර එම අවස්ථාවේ නිවසියන් ආරක්ෂිත ස්ථාන වලට යොමු කර තිබීබෙන් ජීවිත හානි කිසිවක් සිදු වී නොමැති අතර නිවස්වල තිබූ භාන්ඩද ආරක්ෂාකාරිව ඉවත් කර ගැනීමටද අසල්වාසින් සමග එක්ව කල් තියාම කටයුතු කර තිබීම විශේෂතවයකි ,
කෙසේ වෙතත් ඉවත් කර ගැනීමට නොහැකි භාන්ඩ විශාල ප්රමාණයක් ජල පහරට ගසාගෙන ගොස් ඇත ,
නුවරඑළිය නගරයේ ප්රධාන වීදියේ මහ පරිමාණ වෙළඳ සැල් සියල්ල තුලට ගං වතුර ගැලීමෙන් විශාල අලාභ හානි සිදු වී තිබේ ,
සිදු වී ඇති අලාභ හානි වල වටිනාකම් ප්රමාණයන් මේ වන විට ගණනය කිරීමට නොහැකි වන අතර දළ වශයෙන් කෝටි 50ක් 100ක් අතර අලාභයක් සිදු වී ඇති බව වෙළඳ ප්රජාව සදහන් කරයි ,
නුවරඑළිය හැටන් ප්රධාන මාර්ගය , ශාන්තිපුර ප්රධාන මාර්ගය අබේවල පට්ටිපොල ප්රධාන මර්ගය , මහනුවර නුවරඑළිය ප්රධාන මාර්ගය හැටන් කොළඹ ප්රධාන මාර්ගය , නුවරඑළිය බදුල්ල ප්රධාන මාර්ග ඇතුලු මාර්ග රැසක පස් කදු කඩා වැටීමෙන් එම මාර්ග මුළුමනින්ම වසා දැමීමට රථවාහන පොලිසිය කටයුතු කර තිබිණ.
නාය යෑමෙන් හා ගංවතුර තත්වයන් ඇතිවී ආපදාවලට පත් වූ නුවරඑළිය නගරය හා සියලු මං වාවත් යතා තත්වයට පත් කිරීමේ කටයුතු නුවරඑළිය දිස්ත්රික් ආපාදා කළමණාකරන ඒකකය හා එක්ව නුවරඑළියෙ මහ නගර සභාවේ ආපදා කළමනාකරණ ඒකකය හා නුවරඑළිය මහ නගර සභාවේ හා ප්රාදේශිය සභාවේ නිලධාරින් හා සේවක මන්ඩලය එක්ව සිදු කරයි .
