වයස අවුරුදු 60ට වැඩි පුද්ගලයන්ට පෝලිම්වල රැඳී සිටීමකින් තොරව කොවිඩ් 19 මර්දන එන්නත ලබා ගත හැකි බව රාජ්ය අමාත්ය සුදර්ශනී ප්රනාන්දුපුල්ලේ මහත්මිය පසුගිය සතියේ සඳහන් කළද සෞඛ්ය අධ්යක්ෂ ජනරාල්වරයාගේ අනුමැතිය මත යැවෙන චක්රලේඛය මෙතෙක් නොයැවීම නිසා එය ක්රියාත්මක කළ නොහැකි තත්ත්වයක් උද්ගත වී තිබේ.
මේ සම්බන්ධයෙන් සෞඛ්ය අමාත්යාංශයේ පිහිටුවා ඇති 011-7966366 දරණ හදිසි අංකය අමතා තොරතුරු විමසූ අවස්ථාවේ පිළිතුරු දුන් වෛද්යවරියක සඳහන් කළේ එම චක්රලේඛය තවම ප්රාදේශීය සෞඛ්ය වෛද්ය නිලධාරීන් වෙත යවා නොමැති බවය.
මේ සම්බන්ධයෙන් නැවත ඊයේ (17) යළි විමසූ අවස්තාවේද එම පිළිතුරම ලැබුණු අතර ඊට අමතරව මාධ්ය ඔස්සේ ප්රචාරය වන නිවෙස් නිරෝධායනයට අදාළ චක්රලේඛයද මෙතෙක් නිකුත් වී නොමැති බව දැනගත හැකි විය.
මේ සම්බන්ධයෙන් නැවත අද (18) විමසූ අවස්තාවේ එහි වෛද්යවරියක සඳහන් කළේ එන්නත් හිඟයද එයට බලපා ඇති බවත්, එන්නත ලැබෙන ආකාරයට අධි අවදානම් කලාපවල වයස අවුරුදු 60ට වැඩි පිරිස් සඳහා එන්නත් ලබා දීමට කටයුතු කරන බවත්ය.
කෙසේ නමුත් මේ පිළිබඳව අද දිනයේද කොවිඩ් 19 වැලැක්වීම පිළිබඳ රාජ්ය අමාත්ය වෛද්ය සුදර්ශනී ප්රනාන්දු පුල්ලේ මහත්මියගෙන් තොරතුරු විමසීමට අප කටයුතු කළ අතර එහිදී ඇය සඳහන් කළේ පෝලිම්වලින් තොරව වයස අවුරුදු 60ට වැඩි පිරිස් සඳහා එන්නත් ලබා දීමට කටයුතු කරන ලෙස පසුගිය සිකුරාදා දිනයේ උපදෙස් ලබා දුන් බවය.
එම උපදෙස් ක්රියාත්මක කිරීම අදාළ බලධාරීන්ගේ වගකීම වන බවද ඇය සඳහන් කළාය.
මේ පිළිබඳව විමසීමට සෞඛ්ය අධ්යන්ෂ ජනරාල්විශේෂඥ වෛද්ය අසේල ගුණවර්ධන මහතා සම්බන්ධ කර ගැනීමට කිහිපවරක්ම උත්සාහ කළ නමුත් එය සාර්තක නොවීය.
ප්රේමලාල් විජේරත්න
