අධිකරණ ඇමතිගේ 21 ආණ්ඩුවේ 21, විපක්ෂයේ 21 කියා දෙයක් නැති බවත්, දැනට තිබෙන එකම 21 වන්නේ රංජිත් මද්දුමබණ්ඩාර මහතා පෞද්ගලික මන්ත්රී යෝජනාවක් ලෙස ගෙන ආ 21 වැනි ව්යවස්ථා සංශෝධනය පමණක් බවත් විපක්ෂ නායක සජිත් ප්රේමදාස මහතා පවසයි.
ඊට අදාළ ශ්රේෂ්ඨාධිකරණ මතය දින කිහිපයකින් නිකුත් වනු ඇතැයි ද, පාර්ලිමේන්තුවේ තුන්වන සතියේදී එය සාකච්ඡාවට ගත හැකි යැයිද, ‘ප්රතිසංස්කරණ සඳහා වූ ජාතික ව්යාපාරයේ’ නියෝජිත පිරිසක් අද (15) විපක්ෂ නායක කාර්යාලයේ දි හමුවු අවස්ථාවේ ප්රේමදාස මහතා කියා සිටියේය.
නමුත් රටේ පවතින්නේ ප්රතිසංස්කරණවලට වඩා දේශපාලන ගේම් නිසා එය සාකච්ඡාවට නොගන්නා තත්ත්වයක් ඇති බව කී විපක්ෂනායකවරයා, වත්මන් දේශපාලන අර්බුදයට විසඳුම ඇත්තේ නව ජනවරමක් තුළ බවද පැවසීය.
මේ අර්බුදයට මාස කිහිපයක් තුළ විසඳුම විසඳුමක් ඇතැයි යම් යම් වීරයන් පුරසාරම් කීවද සත්යය එය නොවන බවද සජිත් ප්රේමදාස මහතා කීය.
නව ප්රතිසංස්කරණ ක්රියාවලියට සියලු පාර්ශ්වයන්ගේ අදහස් අත්යාවශ්ය බවත් විපක්ෂ නායකවරයා එහිදී අවධාරණය කළේය.
