ජනතා විරෝධය මැද පලාගොස් නැවත පැමිණි හිටපු ජනාධිපති ගෝඨාභය රාජපක්ෂට මේ වනවිට රජයෙන් වාහන 19ක් ලබාදී ඇති අතර, ආහාර පාන ඇතුළු වියදම් සඳහා මාසිකව රුපියල් නවලක්ෂ පනස් දහසක් ලබාදෙන බව වාර්තා වේ.
මාධ්යෙව්දියකු වන අසංක අතපත්තු ජනාධිපති ලේකම් කාර්යාලයෙන් කරන ලද ලිඛිත ඉල්ලීමකට අනුව මෙම තොරතුරු ලබාදුන් බව ඔහු අද (17) පැවැති කැබිනට් මාධ්ය හමුවෙදී අනාවරණ කළේය.
රාජ්ය සේවකයන්ගේ වැටුප් පවා ගෙවීමට නොහැකි තත්ත්වක් තුළ මෙවැනි වියදමක් දැරීම පිළිබඳ ඔහු ඇසූ ප්රශ්නයට පිළිතුරු දුන් අමාත්යවරයා පවසා සිටියේ මෙය රටේ සමස්ත වියදම් දෙස බැලීමේදී පුංචි වියදමක් පමණක් බවය.
එහිදී තවදුරටත් අදහස් දැක්වූ අමාත්යවරයා කියා සිටියේ 1977 සිට මේ දක්වා රජයේ වියදම් ආදායම් ඉක්මවා ඇති බවත්, එදිනෙදා වියදම් පවත්වාගෙන යාමට තරම් ආදායමක් නැති රටක් ලෙස අප පැමණි බවයි.
මේ පුංචි පුංචි වියදම් දෙස බලන්න කලින් මහා පරිමාණ වියදම් දෙස බැලිය යුතුයි. ඒක තමයි රාජ්ය සේවක වැටුප්, විශ්රාම වැටුප් සහ ණය පොලී ගෙවීම්. මේ මහා පරිමාණ විදම්වල කිසිවක් කපාහරින්න පුළුවන්කමක් නෑ. රජයේ සේවකයන්ට වැටුප්, විශ්රාම වැටුප්, රාජ්ය ණය පොලිය බලන්න. පුංචි පුංචි වියදම් කැපුවා කියල වැඩක් නෑ.
මේ වනවිට රටේ ඇමැතිවරු පවා පරිත්යාග විශාල ප්රමාණයක් කරල තියෙනවා. අද කලින් තිබුණු අමාත්යාංශ එකතු කරල. මම දැන් අමාත්යාංශ හතරක බර තනිවම අදිනවා. ඒවායේ ඉතිරි වුණු දේවලුත් බලන්න. මුදල් අමාත්යංශයේ ලේකම්තුමාට දැනුම් දෙන්න ඕන කෙතරම් මුදල් ප්රමණනයක් අඩු කරල තියෙනවද කියල… යනුවෙන් අමාත්යවරයා සඳහන් කළද, ගෝඨාභය රාජපක්ෂ සඳහා වාහන වෙන්කිරීම් සම්බන්ධයෙන් ඔහු කිසිවක් ප්රකාශ නොකිරීම විශේෂත්වයකි.
lankasara
