රටේ දරුවන්ගෙන් දහසය දහසකට ආසන්න ප්රමාණයක් උග්ර මන්දපෝෂණයෙන් පෙළෙන බව, ළමා මන්දපෝෂණය පිළිබදව සොයා බැලීම සදහා පත්කරන ලද පාර්ලිමේන්තු කමිටුවකින් අනාවරණ කරගෙන තිබේ. (Sri Lanka Latest News)
රෝහිනී කවිරත්න මහත්මියගේ ප්රධානත්වයෙන් යුතු එකී කමිටුව අනාවරණය කරගෙන තිබෙන ආකාරයට, රට තුළ සිටින සමස්ත පවුල් සංඛ්යාවෙන් 25%ක් පමණ ඔවුන්ගේ ආහාර අවශ්යතාවය සපුරා ගන්නේ අසල්වැසියන්ගේ උදව්වෙනි.
හරිහමන් කෑමක් නැති පවුල් සංඛ්යාව 2023 වසරේ තුන්වන කාර්තුවේ දී 24% දක්වා ඉහළ ගොස් තිබේ.
රටේ ජීවත් වන පවුල් සංඛ්යාවෙන් තුනෙන් එකක් ආහාර පිසින වාර ගණන අඩුකර හෝ ඔවුන්ගේ පරිභෝජනය අඩු කර හෝ තිබේ.
2022 වසරට සාපේක්ෂව මේ වන විට, වයස අවුරුදු දෙකට අඩු දරුවන් අතර, අඩුබර සහ මිටි දරුවන්ගේ සංඛ්යාව වැඩි වී ඇති බව එම වාර්තාවෙන් අනාවරණය කර තිබෙන අතර, එම වයස් ඛාණ්ඩයට අයත් නුවර එළිය දිස්ත්රික්කයේ ජීවත් වන දරුවන්ගෙන් 24.6% ක් අඩු බර සහ මිටි දරුවන් බවද සොයාගෙන තිබේ.
