වත්මන් ආණ්ඩුවේ මැති ඇමැතිවරුන් කීප දෙනෙක් අපරාධ පරීක්ෂණ දෙපාර්තමේන්තුවට ගොස් තමන්ට සිදුව ඇති අපහාස උපහාස සම්බන්ධයෙන් විමර්ශන කරන ලෙසට පැමිණීලි කිරීම පිළිබඳ දේශපාලන විශ්ලේෂක භාරත තෙන්නකෝන් මහතා සිය යූටියුබ් නාලිකාවකට එක්කළ වීඩියෝවකින් අදහස් දක්වා තිබුණා. පහත පළවන්නේ එම වීඩියෝවෙන් උපුටා ගත් කොටසකි.
‘මහින්ද ජයසිංහ සී.අයි.ඩී, ගියා. මම හිතන්නේ එයාගේ දුවගේ බර්ත්ඩේ පාටි එකක්, වෙන කොහේ හරි තිබ්බ එකක්, ඒක ෂැන්ග්රිලාද කොහේද තිබ්බා කියලා ෆේස්බුක් ගියා කියලා එයා ගියා. ආනන්ද විජේපාල සී.අයි.ඩී. ගියා පොලිසිය භාර අමාත්යාංශයට ආපු වෙලාවක ඒකේ නිශ්ශංක සේනාධිපති හිටියාය, රවී සෙනෙවිරත්නත් එක්ක තේ බොනවාය, එහෙම එකක් තියෙනවනේ. මේ සම්බන්ධයෙන් විමර්ශනයක් කරන්න කියලා අපරාධ පරීක්ෂණ දෙපාර්තමේන්තුවට කෙසේ වෙතත් මේක පොලිසියට කිව්වා මේකේ අග මුල ගැන හොයන්න කියලා. ඊට පස්සේ හර්ෂණ නානායක්කාර සී.අයි.ඩී. ගියා එයාගේ නමට ආචාර්ය කියලා මුදලට දාලා තියෙනවා කියලා. ඊට මාස 3කට විතර පස්සේ එයා දෙරණට ආපු වෙලාවක ඇහුවා දැන් ඒකට මොකද වුණේ කියලා. ‘මං දන්නෑ’ කිව්වා.
ඊට පස්සේ කුමාර ජයකොඩිට ඉන්ජිනේරු උපාධිය සම්පූර්ණ කළේ නෑය, අරකයි මේකයි කියලා එහෙම ලියලා තිබ්බ එකක් සම්බන්ධයෙන් ගියා. ඊට පස්සේ හොර ප්රේස්ක්රිප්ෂන් එකක් හදලා ජනාධිපතිවරයාගේ සෞඛ්ය තත්ත්වය සම්බන්ධයෙන් බොරු කියපු එකක් සම්බන්ධයෙන් සී.අයි.ඩී. ගියා. ඊට පස්සේ ජනාධිපතිවරයාට දැන් සී.අයි.ඩී. යන්න සිද්ධ වෙලා තියෙනවා. ජනාධිපති සමාව සම්බන්ධයෙන්. කෞෂල්යා ආරියරත්නත් සී.අයි.ඩී. එකට ගියා මොකක්දෝ හුටපටයක් සම්බන්ධයෙන්. නිලන්ති කොට්ටහච්චිත් ගිහින් තියෙනවා. චතුරංග අබේසිංහත් සී.අයි.ඩී. ගියා එයාට අපහාස කරනවා කියලා. එතකොට මේ අමාත්ය මණ්ඩලයේ 60කට විතර කිට්ටු ගානක් ඉන්නේ. දැනට අපි දැනුවත්ව 10 දෙනෙක් මේකට ගිහිල්ලා තියෙනවා. සුනිල් හඳුන්නෙත්තිත් මොකක් හරි පොලිස් විමර්ශනයක් කරන්න කියලා ඉල්ලීමක් කරපු එකක් තිබුණා. සී.අයි.ඩී.මද කියලා තමයි අපිට ෂුවරු නැත්තේ. එහෙම වුණොත් 11 දෙනෙක් වෙනවා.
සී.අයි.ඩී. බැරිනම් ස්කොට්ලන්ඩ් යාර්ඩ් ගිහිල්ලා හරි ජනාධිපතිට හොරෙන් ජනාධිපති සමාව දුන්න එකා මොකාද කියලා නම් හොයාගන්නම වෙනවා පුතෝ. එහෙම නැත්නම් මේක හෙන ආතල් රාජ්යයක්නේ අප්පා…’
