හෙට (26) සිට දිවයිනේ සියලු දිස්ත්රික්කවල ඇඳිරි නීතිය නැවත දැනුම් දෙන තුරු ක්රියාත්මක වන්නේ දිනපතා රාත්රී 10.00 සිට අළුයම 4.00 දක්වා පමණක් බව ජනාධිපති මාධ්ය අංශය නිවේදනය කරයි.
ඇඳිරි නීතිය ලිහිල් කළ ද කර්මාන්තශාලා, ආයතන, කාර්යාල සහ වෙළෙඳසැල් පවත්වාගෙන යාමේදීත්, මගී ප්රවාහනයේදීත් කොරෝනා වෛරසය පාලනය පිණිස සෞඛ්ය බලධාරීන් නියම කර ඇති පිළිවෙත් මුලුමනින්ම අනුගමනය කළ යුතුය.
විෂබීජ හරණය, මුඛආරවණ පැළඳීම, විටින් විට අත් සේදීම සහ සමාජ දුරස්ථතාව තබා ගැනීම ඊට අයත්ය.
රාජ්ය,පෞද්ගලික දෙඅංශයේ ආයතනවල සේවයට කැඳවන සේවක සංඛ්යාව, කැඳවන්නේ කුමන සේවකයන්ද යන්න ඒ ඒ ආයතනය සලසන සේවාව සහ සෞඛ්ය මාර්ගෝපදේශ පදනම් කොටගෙන තීරණය කිරීම ආයතන ප්රධානීන්ට පැවරේ.
ඇඳිරි නීතිය ලිහිල් කිරීමෙන් පසුවද සෞඛ්ය නියමයන් පිළිපදිමින් එදිනෙදා කාර්යයන්හි නිරත වන්නැයි රජය ජනතාවගෙන් ඉල්ලා සිටියි.
හෙට සිට කොළඹ සහ ගම්පහ දිස්ත්රික්ක හැර සෙසු දිස්ත්රික්ක අතර ගමනාගමනයට අවසර ලැබේ.
