හිටපු ජනාධිපති මෛත්රිපාල සිරිසේන මහතාගේ සොහොයුරා වන ප්රකට ව්යාපාරික ඩඩ්ලි සිරිසේන මහතා සිය ව්යාපාර ජීවිතයෙන් විශ්රාම ගැනීමට තීරණය කර ඇති බව වාර්තා වේ.
ඒ අනුව ඒ මහතා සිය අවසන් ව්යාපෘතිය ලෙස සිදුකරමින් සිටින්නේ උණවටුණේ හෝටල් ව්යාපෘතියකි.
ඒ සම්බන්ධයෙන් ඩඩ්ලි සිරිසේන මහතා සිය ෆේස්බුක් පිටුවේ තැබූ සටහන මෙසේය.
‘ගාල්ල උණවටුනේ ඉදිවන මාගේ අලුත්ම සංචාරක හෝටලයේ අවසන් අදියරේ කර්තව්යයන් නිරීක්ෂණය කිරීම සඳහා මා අද දින එහි ක්ශේත්ර චාරිකාවකට සහභාගී වුණෙමි.
අතිශය කාර්යබහුල ව්යාපාර ජීවිතයෙන් අත්මිඳී, විශ්රාම ගැනීමට පෙරාතුව මා විසින් නිමකරන අවසන් ව්යාපෘතිය වන මෙමඟින් ප්රදේශයේ පවුල් දහස් ගණනකට සෙත සැළසෙන අතර නොබෝ දිනකින්ම මෙය විවෘත වන බව සතුටින් දන්වා සිටිමි.
එසේම, තරු පහේ කාමර 300 කින් සමන්විත වන මේ හෝටලය ආශ්රිතව සෘජු හා වක්ර රැකියා දහස් ගණනින් උත්පාදනය වන අතර, මීට සමගාමීව මාගේ පෞද්ගලික ධනය යොදාගෙන ප්රදේශයේ පොදු ස්ථානද දියුණු කිරීමේ වැඩසටහනක්ද මේ වන විට ආරම්භ කර ඇත. එසේ බලන කළ මෙම සමස්ථ ව්යාපෘතියම උණවටුණ ප්රදේශයට සම්පතක්ය.
දේශීය ව්යවසායකයෙකු ලෙස මා උපයන අන්තිම රුපියලද මේ භූමිය තුළම ආයෝජනය කරමින්, එහි ප්රථිලාභ රටේ ජනතාව අතරේ බෙදීයන වැඩපිළිවෙළක් සකස් කරන්නට ලැබීම මා හුදෙක් භාග්යයක් කොට සළකන්නේ ඒ නිසාය.
එහෙයින්, බිංදුවෙන් පටන් ගත් දේශීය ව්යවසායකයෙකු වශයෙන් මා මෙතෙක් ආ ගමන් කෙරෙහි ඊර්ෂ්යා සිත් ඇති කර නොගෙන ධනාත්මක අයුරින් ඒ දෙස බලා ඔබේ ජීවිතයද සාර්ථක කරගැනීම පිණිස එය උපකාරී කරගනු ඇතැයි මා නිර්ව්යාජවම බලාපොරොත්තු වෙම්. ‘