අත්අඩංගුවට ගත් මීගමුව බන්ධනාගාරයේ හිටපු අධිකාරි අනුරුද්ධ සම්පායෝ අද (03) මීගමුව මහෙස්ත්රාත් අධිකරණයට ඉදිරිපත් කිරීමෙන් අනතුරුව හෙට (04) දිනය දක්වා රක්ෂිත බන්ධනාගාර ගත කර තිබේ.
කෙසේවෙතත් අපරාධ පරීක්ෂණ දෙපාර්තමේන්තු නිලධාරීන් සම්පායෝ මහතාට මාංචු දැමීමට උත්සාහ කළද ඒ මහතා මාංචු දැමීම ප්රතික්ෂේප කළේය.
මීට අමතරව මුඛ ආවරණයක් පැළදීමට දුන්නද එයද ගලවා විසි කිරීමට ඒ මහතා පියවර ගත්තේය.
එමෙන්ම යම් පාර්ශ්වයක් මෙම අවස්ථාව ආවරණය කිරීමට පැමිණි මාධ්යවේදීන්ට බාධා කරනු දැකගත හැකි වූ අතර ඒ හේතුවෙන් මාධ්යවේදීන් තාප්ප උඩ නැග සිද්ධිය ආවරණය කරනු දැකගත හැකිවිය.
කෙසේවෙතත් මේ තත්ත්වය නියෝජ්ය සොලිසිටර් ජෙනරාල් දිලීප පීරිස් මහතාගේ දැඩි විවේචනයට ලක්විය.
මීගමුව බන්ධනාගාරයේ හිටපු අධිකාරි අනුරුද්ධ සම්පායෝ මහතා ඊයේ (02) කුරුණෑගල “ශාන්ත ආනා විදුහල අසළ දී පස්වරු 3.35 ට පමණ අත්අඩංගුවට ගත්තේය.
