කතානායකවරයාගේ ප්රධානත්වයෙන් පාර්ලිමේන්තු සභාවාරය මේ වනවිට ආරම්භ වී තිබේ.
ආණ්ඩුවේ ප්රතිපත්ති ප්රකාශය පිළිබඳ කල් තැබීමේ විවාදය අද (09) සහ හෙට (10) පැවැත්වීමට නියමිතව ඇති නමුත් අද දිනයේද විපක්ෂයේ ප්රධාන පක්ෂ රැසක් විවාදය වර්ජනය කර තිබූ ආකාරයක් දැකගත හැකි විය.
ඒ අනුව සමගි ජන බලවේගය, ජාතික ජන බලවේගය, ජී.එල්.-ඩලස් පාර්ශ්වය, විමල් වීරවංශ පාර්ශවය නියෝජනය කරන කීසිවකුත් අද පෙරවරුවේ සභාවේ සිටියේ නැත.
නමුත් දෙමළ ජාතික සන්ධාන මන්ත්රීවරුන් සමග මෛත්රීපාල සිරිසේන සහ සාරතී දුෂ්මන්ත යන මන්ත්රීවරුන් දෙදෙනා පමණක් විපක්ෂයේ අසුන්ගෙන සිටි ආකාරයක් දැකගත හැකි විය.
09 වන පාර්ලිමේන්තුවේ සිව්වන සභා වාරය ජනාධිපති රනිල් වික්රමසිංහ මහතාගේ ප්රධානත්වයෙන් උත්සවාකාරයෙන් විවෘත කරනු ලැබීය.
