කුමන්ත්රණයක් මගින් පසුගිය පෙබරවාරි මාසයේ මියන්මාරයේ බලය අල්ලාගත් හමුදා රජය නිල වශයෙන් පිළිගනිමින්, විදේශ ඇමති දිනේෂ් ගුණවර්ධන මහතා විසින් එහි විදේශ අමාත්යවරයා වෙත ශ්රී ලංකාවේ පැවැත්වීමට නියමිත BIMSTEC සමුළුවට ආරාධනා කිරීමට විරෝධය පළකරමින් විදේශ අමාත්යංශය ඉදිරිපට විරෝධතා ව්යාපාරයක් සංවිධාන කොට තිබිණ.
නිරායුධ වැසියන් 180 කටත් වැඩි පිරිසක් දැනටමත් ඝාතනය කර, 1850කට වඩා වැඩි පිරිසක් සිරගත කොට ඇති මියන්මාර හමුදා පාලනය පිළිබඳව ශ්රී ලංකා රජයේ ස්ථාවරයට විරෝධය පළකරමින්, විදේශ ඇමති දිනේශ් ගුණවර්ධන වෙත ලිපියක් භාරදිමට ‘මියන්මාර ජනතා සහයෝගිතා කමිටුවේ’ සාමාජිකයන් මෙහිදී පියවර ගෙන තිබිණ.
එහිදි ඔවුන් විසින් ඇමතිවරයාට පවසා සිටියේ, මියන්මාර හමුදා පාලනයේ විදේශ ඇමතිවරයාගේ නමට යවා ඇති මේ ආරාධනා ලිපිය සම්බන්ධයෙන් විරෝධය පළකරන බවයි.
එමෙන්ම ඒ ඇරයුම ඉවත් කර ගත යුතු යැයිද විරෝධාතාකරුවන් විසින් විදේශ ඇමතිවරයාට දැනුම් දි තිබුණි.
දේශපාලන සංවිධාන, වෘත්තිය සමිති, තරුණ සංවිධාන, නිදහස් වෙළද කලාප කම්කරු සංවිධාන, සිවිල් සංවිධාන, නීතිඥ සංවිධාන ඇතුළු සමාජ ක්රියාකාරින් පිරිසක් විදේශ කටයුතු අමාත්යංශය ඉදිරිපිට පැවැති මේ විරෝධතාවයට එක්ව සිටියහ.
