රට තුළ ඝාතන සහ අපරාධ ඉහළ යාමේ තත්ත්වයක් දක්නට ඇති බව සන්ඩේ ටයිම්ස් පුවත්පත වාර්තා කරයි. එබදු පුවත් වාර්තා නොවන එකදු දිනයක් හෝ නැති බව ද පුවත්පත වැඩිදුරටත් සදහන් කර සිටියි. (Sri Lanka Latest News)
මේ තත්ත්වය දකුණේ මෙන්ම උතුරේ ද එක හා සමාන බව පුවත්පත විශේෂයෙන් වාර්තා කර තිබෙන එක් විශේෂ සිදුවීමකින් පෙනී යයි.
පුවත්පත වාර්තා කර තිබෙන ආකාරයට, යාපනයේ වෛද්යවරයෙක්, ඔහු දීර්ඝ කාලයක් තිස්සේ කුලී පදනමින් රැදී සිටි නිවසට එල්ල වූ මැර ප්රහාර හේතුවෙන් එම නිවස අතහැර යාමට තීරණය කර තිබේ.
නිවස හිමිකරු මියයාමෙන් පසුව, වෙනත් පාර්ශ්වයක් නිවසට හිමිකම් කියමින් මෙම ප්රහාර එල්ල කර තිබෙන බව පැවසේ.
අවස්ථා කිහිපයකදීම මේ සම්බන්ධයෙන් පොලිසියට පැමිණිලි කළද, තත්ත්වය පාලනය කිරීමට පොලිසිය අසමත් වීම හේතුවෙන්, අවසානයේ දී නිවසේ යතුර පොලිසියට භාරදී එම නිවස හැර යාමට අදාල වෛද්යවරයා තීරණය කර තිබේ.
headlinenews
