දැන් සිටින ඇමැතිවරුන්ට පිස්සු හැදී ඇති බව ලංකාවේ අංක එකේ සහල් ව්යාපාරිකයා මෙන්ම හිටපු ජනාධිපති මෛත්රීපාල සිරිසේන මහතාගේ සොහොයුරාද වන ඩඩ්ලි සිරිසේන මහතා පැවසීය.
‘ඉස්සර ආණ්ඩුව වී අතිරික්ත තොග එකතු කළේ කන්න තුනකටම ටොන් ලක්ෂ දෙකක් විතර. මේ සැරේ එක කන්නයකින් ටොන් ලක්ෂ 3ක් විතර එකතු කරගන්න බලනවා. දැන් ඉන්න ඇමැතිවරුන්ට පිස්සු. මිනිස්සුන්ට බලහත්කාරකම් කරලා කවර දීලා වී එකතු කරනවා. මහින්දානන්ද ඇමැතිතුමා තමයි මේක කරන්නේ. එයා අපිත් එක්ක කතා කරනවා. එයා අපේ යාලුවා. ඒත් එතුමාට ලොකු ප්රෙෂර් එකක් තියෙනවා මේක කරන්න. කොහොම කළත් මේ කන්නේ අස්වැන්න 50%කින් අඩු වෙනවා. ඊට හේතුව නිසි කලට වැසි නොලැබීම. දෙසැම්බර් මාසෙ වැස්සාම ගොයම නිල්ල ගහලා පීදෙනවා. ඒත් වැස්සේ ජනවාරි මාසේ. ඒ කාලේ වැස්සාම වී බොල්වෙනවා. ඒ නිසා මෙවර වී 50%කින් බොල්වෙනවා. අනිවාර්යයෙන් මේ වසර මැද වෙද්දි රටින් සහල් ගෙන්වන්න වෙනවා…’ යැයිද සිරිසේන මහතා කීය.
චමුදිත සමරවික්රම මහතා විසින් මෙහෙයවන අන්තර්ජාල සාකච්ජාවකට එක්වෙමින් ඒ මහතා මේ බව කීය.
