ඇමරිකාවට අපනයනය කිරීම සඳහා බ්රැන්ඩික්ස් සමාගම විසින් නිෂ්පාදනය කරන ලද මිලියන 200ක් වූ ප්රථම මුහුණු ආවරණ තොගය බැසිල් රාජපක්ෂ මහතා විසින් ශ්රී ලංකාවේ සහ මාලදිවයින් ඇමරිකා එක්සත් ජනපද තානාපතිනී ඇලේනා බී. ටෙප්ලිට්ස් මහත්මිය වෙත සංකේතාත්මකව බාර දෙන ලදි.
බ්රැන්ඩික්ස් සමාගමේ ප්රධාන කාර්යාලයේදී පැවති මෙම සුවිශේෂී අවස්ථාව සඳහා ශ්රී ලංකාවේ ඒකාබද්ධ ඇඟලුම් සංගම් සංසදයේ සභාපති ඒ. සුකුමරන්, බ්රැන්ඩික්ස් සමූහ ව්යාපාරයේ ප්රධාන විධායක නිලධාරී අෂ්රොෆ් ඔමාර් සහ බ්රැන්ඩික්ස් ඇපරල් ලිමිටඩ් හී අධ්යක්ෂ මණ්ඩල සාමාජිකා රංගා රන්මදුගල යන මහත්ම-මහත්මීහු ද සහභාගී වූහ.
ආර්ථික පුනර්ජීවනය සහ දරිද්රතාවය තුරන් කිරීම සඳහාවන ජනාධිපති කාර්යසාධක බලකායේ සභාපති බැසිල් රාජපක්ෂ මහතා ද මෙහිදී අදහස් පළ කළේය.
බ්රැන්ඩික්ස් සමාගමේ සාමාජික සාමාජිකාවන් 15,000 කගේ ශ්රම දායකත්වයෙන් හා විවිධ සැපයුම්දාම පර්ශවකරුවන්ගේ සහයෝගයෙන් මෙම මුහුණු ආවරණ මිලියන 200 නිෂ්පාදනය කෙරිණි. ස්ථර 3කින් යුක්තව කපු අමුද්රව්ය යොදා ගනිමින් නිෂ්පාදනය කර ඇති මෙම මුහුණු ආවරණ විෂබීජවලට ප්රතිරෝධී නිමාවකින් යුතුවන අතර වඩාත් හොඳින් මුහුණට සවි වීම සඳහා ඇදෙන සුළු ලෙස ඉහළම ගුණාත්මක ප්රමිති සහ සනීපාරක්ෂක ප්රමිතීන්ට අනුකූලව නිෂ්පාදනය කර ඇති බව බ්රැන්ඩික්ස් සමාගම පවසයි.
