වමනය ක්ලාන්තය ඔක්කාරය අවම කිරිම සහ වැළැක්වීම උදෙසා සදහා ලබා දෙන එන්නතක් විෂවීම නිසා පසුගිය දිනක හබරකඩ සහ මතුකඩ ප්රදේශයේ කාන්තාවන් දෙදෙනකු අයි. ඩී. එච්. රෝහලේ දී අසාධ්ය ලෙස රෝගාතුර වි ජීවිත අහිමි වී ඇති බවත් මේ වන විට අප දැන ගන්නට ලැබෙන ආකාරයට මහනුවර රෝහලේ දී සිදු කරන ලද මූලික ක්ෂුද්රජීවී පරීක්ෂණයක් තුළ මේ එන්නත්වල බැක්ටීරියා තිබී ඇති බවත් මේ තොරතුරු සමඟ ඖෂධ නියාමන අධිකාරිය ආනයනය කළ එන්නත් 270,000ක් ආපසු නැවත රෝහල් පද්ධතියෙන් ඉවත් කර ඇති බවත් විපක්ෂ නායකවරයා පැවසීය.Sri Lanka Latest News
සෞඛ්ය අමතිවරයා සහ රජය විසින් මේ සඳහන් තොරතුරු කරුණු කාරණා ගැන ඇත්ත රටට හෙළිදරව් කළ යුතු බවත් මේ එන්නත් මිල දි ගැනීම හදිසි මිල දී ගැනීමක් ද? මෙහි ගුණාත්මකභාවය පරීක්ෂා කළ ද? මේ පරීක්ෂණ සමත් ද අසමත් ද කියා දැන ගැනීමට අවශ්ය බවත් අප රටේ ඖෂධ එන්නත්වල ගුණාත්මකභාවය පරීක්ෂා කරන්න ඇති ක්රමවේදය ආදිය ගැනත් ජීවිත 2ක් අහිමි වූ සිදුවීම් ගැන රජයේ වෛද්ය නිලධාරින්වරුන් ඉදිරිපත් කරන මතයට රජය ඉදිරිපත් කරන ප්රතිචාරය දැන ගැනීමට අවශ්ය බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා අද මේ බව කියා සිටියේ බාල ඖෂධ සම්බන්ධයෙන් විශේෂ ප්රකාශයක් සිදු කරමිනි.
ලෝක සෞඛ්ය සංවිධානය පිළිගත් ක්රමවේද ඇති රසායනාගාර පහසුකම් අප රට තුළ ඇත් ද සහ ලෝක සෞඛ්ය සංවිධානය විසින් පිළිගත් රසායනාගාර පහසුකම් ස්ථාපිත කරන්න රජය අයවැය දෙකකදී ගත් පියවර ඉදිරිපත් කරන ලෙසත් මේ ගැටලුවලට රජය පිළිතුරු දිය යුතු බවත් සේනක බිබිලේ ඖෂධ ප්රතිපත්තිය සමගි ජන බලවේගය හා සමගි ජන සන්ධානය අකුරටම පිළිගන්නා බවත් බාල ඖෂධ වංචාව ගැන රට ඉදිරිපත් කර විශ්වාසභංගවලට පවා නායකත්වය දුන් බවත් වෛද්ය චමල් සංජීව, කාවින්ද ජයවර්ධන යන මහත්වරු මේ වෙනුවෙන් දැවැන්ත සටනක් ගෙන ගියත් පසුගිය දිනක බොරු අසත්ය පුවතක් ගෙන යමින් මොවුන් ඖෂධ ගැන ඉදිරිපත් කරන මතය සමගි ජන බලවේගයේ මතය නොවන බවට පෙන්වා දුන් බවත් මෙරට බාලබෙහෙත් වංචාව ක්රියාත්මක වන විට නමට පමණක් සේනක බිබිලේ ප්රතිපත්තිය පිළිගත් අය බොරු ප්රවෘත්ති නිර්මාණය කරමින් යන බවත් විපක්ෂ නායක සජිත් ප්රේමදාස මහතා පැවසීය.
එසේම මේ එන්නත් නිසා සිදු වූ මරණ දෙක ගැන අපක්ෂපාතී පරීක්ෂණයක් සිදු කර තවදුරටත් අප රටේ බාල ඖෂධ එන්නත් මාෆියාව ක්රියාත්මක වීමට විරුද්ධව කටයුතු කළ යුතු බවත් එසේ නොකළහොත් සෞඛ්ය අමාත්යවරයා ලෙස වගකීම් පැහැර හැර ඇති බවත් ලක්ෂ 220ක් ජනතාවගේ සෞඛ්ය සම්පන්නභාවය සුරක්ෂිත වන ආකාරයට එය මානව හා මූලික අයිතියක් ලෙස දකින සමගි ජන බලවේගය මේ වෙනුවෙන් අදත් පෙනී සිටින බවත් විපක්ෂ නායකවරයා වැඩිදුරත් පැවසීය.
