පාර්ලිමේන්තු මන්ත්රී ප්රේමනාත්.සී. දොලවත්ත විසින් පාර්ලිමේන්තුවට ඉදිරිපත් කර තිබෙන දණ්ඩ නීති සංග්රහය (සංශෝධන) පනත් කෙටුම්පත ආණ්ඩුක්රම ව්යවස්ථාවට පටහැනි යැයි තීන්දු කරන මෙන් ඉල්ලා ශ්රේෂ්ඨාධිකරණයට පෙත්සමක් ඉදිරිපත් කර තිබෙනවා. විශ්රාමික යුද හමුදා බ්රිගේඩියර්වරයෙකු වූ කේ. අතුල. එච්.ද. සිල්වා, ශෙනාලි .ඩී. වඩුගේ සහ ජෙහාන් හමීඩ් යන අය විසින් මෙම පෙත්සම ගොනු කළා.
එහි වගඋත්තරකරුවන් ලෙස පාර්ලිමේන්තු මන්ත්රී ප්රේමනාත් සී දොලවත්ත සහ නීතිපතිවරයා නම් කර තිබෙනවා.
එය දණ්ඩ නිති සංග්රහය පිළිබඳව ව්යවස්ථාදායකයේ අපේක්ෂාවන්ට පටහැනි බවත් ඒ තුළින් ආණ්ඩුක්රම ව්යවස්ථාවේ ප්රතිපාදන බරපතල ලෙස උල්ලංඝනය වන බවත් පෙත්සමේ සඳහන් කරනවා.
බෞද්ධ හින්දු කිතුනු හා ඉස්ලාම් ආගමික විශ්වාසයන් අනුව පවා සමලිංගික කටයුතු අනුමත කිරීමක් සිදුකර නොමැති බව පෙන්වා දෙන පෙත්සම් කරුවන් එබැවින් යෝජිත පනත් කෙටුම්පතේ අන්තර්ගත ප්රතිපාදන එම ආගමික විශ්වාසයන්ට පටහැනි බවත් පෙත්සම තුළින් කරුණු දක්වා තිබෙනවා.
එමෙන්ම අදාළ පනත් කෙටුම්පතින් අපේක්ෂා කරන කරුණු මෙරට සංස්කෘතික හා ජාතික අනන්යතාවයන්ට ද පටහැනි බවයි පෙත්සම්කරුවන් කියා සිටින්නේ.
එබැවින් යෝජිත පනත් කෙටුම්පතේ අන්තර්ගත ප්රතිපාදන වලින් ආණ්ඩුක්රම ව්යවස්ථාවේ සඳහන් මූලික මිනිස් අයිතිවාසිකම් උල්ලංඝනය වීමක් සිදුවන හෙයින් එය සම්මත කිරීමට අවශ්ය නම් පාර්ලිමේන්තුවේ තුනෙන් දෙකක බහුතර ඡන්දයකින් සහ ජනමත විචාරණයකින් අනුමත විය යුතු බවට තීන්දුවක් ලබාදෙන ලෙසත් පෙත්සම්කරුවන් ශ්රේෂ්ඨාධිකරණයෙන් ඉල්ලා තිබෙනවා.
