පොල්තෙල් නිෂ්පාදනයට යොදා ගන්නා අමුද්රව්ය රජය විසින් කර්මාන්තකරුවන්ට ලබා දෙන තුරු පොල්තෙල් නිෂ්පාදනයෙන් ඉවත් වීමට සමස්ත ලංකා පාරම්පරික පොල්තෙල් නිෂ්පාදකයින්ගේ සංගමය තීරණය කර තිබේ.
එමෙන්ම ඔවුන් තීරණය කර ඇත්තේ පොල් තෙල් නිෂ්පාදනය සඳහා යොදා ගන්නා කුරුට්ට සහිත කැබලි කරන ලද වියළි පොල්මද නැවත බහුජාතික සමාගම්වලින් මිලදී නොගැනීමටය.
කෙසේ වුවද වියළි පොල්මද ආනයනය කිරීම රජය සතු බීසීසී ආයතනය මගින් සිදු කිරීමට ගෙන ඇති කැබිනට් තීරණය ක්රියාත්මක කරන ලෙස රජයට බල කිරීමත් ඔවුන් පොල්තෙල් නිෂ්පාදනයෙන් ඉවත් වීමට හේතුවක් වී තිබේ.
එම සංගමයේ කැඳවුම්කරු බුද්ධික සිල්වා මහතා ප්රකාශ කරන්නේ රජය හරහා අදාළ අමුද්රව්ය මිලදී ගෙන රටට අවශ්ය පොල්තල් මෙ. ටො. 180 000 නිෂ්පාදනය කිරීමට තමන් සූදානම් බවයි.
එතෙක් කර්මාන්තකරුවන් 83 දෙනකුගෙන් යුක්ත සංගමය පොල්තෙල් නිෂ්පාදනයෙන් ඉවත්වන බව ඔහු කියා සිටී.
